सोलुखुम्बुकाे दाल्दुु क्षेत्रमा लागेको डढेलो नियन्त्रणमा

जेठ ६, साेलुखुम्बु ।      सोलुखुम्बुको नेचासल्यान गाउँपालिका २ र सोलुदुधकुण्ड नगरपालिका ११ को सिमाना दाल्दुु क्षेत्रको खरबारीमा लागेको डढेलो नियन्त्रणमा आएको छ ।
सो क्षेत्रमा शनिवार बिहान अन्दाजी ६ बजेबाट लागेको डढेलो बिहान करिब १० बजे नियन्त्रणमा आएको जिल्ला प्रहरी कार्यालय सोलुखुम्बुले जनाएको छ ।प्रहरी निरीक्षक अनिल मिश्रका अनुसार आगलागीबाट करिब १०० रोपनी क्षेत्रफलमा फैलिएको बोटविरुवा तथा खर जलेर नष्ट भएको छ । आगो प्रहरी र स्थानीयको सकृयतामा नियन्त्रण गरिएको प्रहरी निरीक्षक मिश्रले बताउनुभयो । स्थानीय गाेपाल बस्नेतका अनुसार डढेलाेले खरबारी  नष्ट भएकाे छ भने डढेलाे के कारणले लाग्याे भन्ने पत्ता नलागेकाे बताउनुभएकाे छ।