सोताङमा तेस्रो अध्यक्ष कप तथा १५ औँ राष्ट्रपति रनिङ शिल्ड प्रतियोगिता हुँदै

माघ ५, सोलुखुम्बु । सोलुखुम्बुको सोताङ गाउँपालिकामा तेस्रो अध्यक्ष कप तथा १५ औँ राष्ट्रपति रनिङ शिल्ड प्रतियोगिता हुने भएको छ । शुक्रबार गाउँपालिकाले एक सूचना जारी गर्दै यही माघ १५ गते देखि उक्त कार्यक्रम प्रारम्भ हुने भएको हो ।

खेलकुदको माध्यमबाट समाजमा आपसी सद्भाव र सहिष्णुता साथै आपसी हार्दिकतालाई कायम राख्दै युवाहरुमा रहेको खेल प्रतिभालाई उजागर गर्दै स्थानिय तह, जिल्ला, प्रदेश र राष्ट्रिय तथा अन्तराष्ट्रिय स्तरको उत्पादनमा विशेष टेवा पु¥याउने उद्धेश्यका साथ प्रतियोगिता माघ १७ गते सम्म आयोजना गर्न लागिएको सहकर्मी मनोज तामाङले जानकारी दिनुभयो । वीरेन्द्र ज्योति माविको प्राङ्गणमा हुने प्रतियोगितामा पुरुष भलिवल तर्फ प्रथम, द्धितिय, तृतिय र सान्त्वना हुने प्रतियोगिहरुलाई क्रमश : ७५ हजार, ५० हजार, ३० हजार र २० हजार रुपौयाँ २५ प्रतिशत कर कट्टी ट्रफि, मेडल र प्रमाणपत्र गरि प्रदान गरिने भएको छ ।

यस्तै महिला भलिवल तर्फ प्रथम, द्धितिय, तृतिय र सान्त्वना हुने प्रतियोगिहरुलाई क्रमश : ४० हजार, ३० हजार, २० हजार र १० हजार रुपौयाँ २५ प्रतिशत कर कट्टी गरि ट्रफि, मेडल र प्रमाणपत्र प्रदान गरिने भएको छ ।साथै तेस्रो अध्यक्ष कप सोलुखुम्बु स्तरीय खुला डबल पुरुष ब्याडमिन्टन प्रतियोगिता तर्फ पहिलो, दोस्रो र तेस्रो हुनेलाई क्रमश : २० हजार, १५ हजार र ७÷७ हजारको साथमा ट्रफि, मेडल र प्रमाणपत्र प्रदान गरिने भएको आयोजकले जनाएको छ । यस्तै गाउँपालिकाले सांगितिक साँझ कार्यक्रमको समेत आयोजना गरिने कार्यक्रमका संयोजक उत्तम प्रसाद नाछिरिङले बताउनुभयो ।