मन्त्रीद्वय दाहाल र राईद्वारा हिमाल दर्शन माविको स्वर्ण जयन्ती उद्घाटन गरिने

माघ ५, सोलुखुम्बु । सोलुखुम्बुको नेचासल्यान गाउँपालिका वडा नम्बर ३ स्थित हिमाल दर्शन माविको स्वर्ण जयन्ती – २०८१ को मन्त्रीद्वयले उद्वघाटन गर्ने भएका छन् । यही माघ १४ गते सोमबार भौतिक पूर्वाधार तथा यातायात मन्त्री देवेन्द्र दाहाल तथा रक्षामन्त्री मानवीर राईले स्वर्ण जयन्तीको उदघाटन गर्ने भएका हुन् । कार्यक्रमको समुदघाटन, सरस्वती मन्दिर उद्घाटन, स्वर्ण स्तम्भ अनावरण एवम् विविध कार्यक्रम हुने सहकर्मी सोभित ढुगेंलले जानकारी दिनुभयो ।

त्यस्तै सोही स्वर्ण जयन्तीको अवसरमा खुल्ला निबन्ध लेखन प्रतियोगिता आयोजना गरिने भएको छ । “मैले चाहेको सामुदायीक विद्यलय” बिषयक शिर्षकमा हुने प्रतिायोगिताका प्रथम, द्धितिय, तृतिय र सान्त्वना हुने प्रतिस्पर्धीहरुलाई क्रमश : १७ हजार, १२ हजार ७ हजार र ४ हजार कर कट्टि गरि प्रमाणपत्र समेत प्रदान गरिने भएको छ ।

यस्तै हिमाल दर्शन मावि पूर्व विद्यार्थी समाजकाद्धारा आयोजित प्रतियोगितामा माध्यमिक विद्यालय स्तरीय खुल्ला एकल गायन प्रतियोगिता हुने भएको छ । प्रथम, द्धितिय, तृतिय र सान्त्वना हुने प्रतियोगिहरुलाई क्रमश : १७ हजार, १२ हजार ७ हजार र ४ हजार रुपौयाँ कर कट्टि गरि प्रमाणपत्र समेत प्रदान गरिने भएको छ ।