माघ ५, सोलुखुम्बु । सोलुखुम्बुको सोलुदुधकुण्ड नगरपालिका वडा नम्बर ८ केरुङ स्वास्थ्य चौकीमा पाठेघरको मुखको क्यान्सर सम्बन्धी दुई दिने शिविर सञ्चालन गरिने भएको छ । मानव अधिकार शान्ति र विकास मञ्च नेपालको आयोजनामा उक्त शिविर सञ्चालन गरिने भएको हो ।
३० देखि ६० वर्ष उमेर समुहका महिलाहरूलाई पाठेघरको मुखको क्यान्सरको स्क्रिनिङ र सो सम्बन्धी उपचार गर्ने स्वास्थ्य चौकी प्रमुख राहुल कुमार मिश्रले जानकारी दिनुभयो । स्वास्थ्यसम्बन्धी समस्या लुकाउने चलन समाजमा रहेको जनाउँदै त्यसबाट कहिलेकाँही धेरै ठुलो क्षति व्यहोर्नुपर्ने हुँदा आफ्नो स्वास्थ्य समस्या खुलेर बताउन महिलालाई प्रमुख मिश्रले आग्रह गर्नुभयो । उक्त शिविर यही माघ ७ र ८ गते सञ्चालन गरिने जनाइएको छ ।
Discussion about this post