शान्ति सुरक्षा मजबुत बनाउन नेपाल बैंक सोलुद्धारा प्रहरीलाई ६ थान सिसि क्यामेरा

माघ ५, सोलुखुम्बु । शान्ति सुरक्षा मजबुत बनाउन नेपाल बैंक लिमिटेड जिल्ला शाखा सोलुखुम्बुले प्रहरीलाई ६ थान सिसि क्यामेरा प्रदान गरेको छ । केन्द्रिय बैंकले बार्षिक रुपमा विभिन्न संस्थाहरुलाई सहयोग गर्दै आएकोमा यस बर्ष जिल्ला शाखाले पनि जिल्ला प्रहरी कार्यालय सोलुखुम्बुलाई शान्ति सुरक्षाका लागि सिसि क्यामेरा प्रदान गरेको हो । प्रहरी कार्यालयमा सिसि क्यामेराको आवश्यकता देखिएकाले संस्थागत सामाजिक उतरदायित्व कार्यक्रम अन्तर्गत उक्त सामाग्री वितरण गरिएको नेपाल बैंक लिमिटेड सोलुखुम्बुका शाखा प्रबन्धक लिलामणि चापागाईले जानकारी दिनुभयो ।

सामाजिक उत्तरदायित्वमा मुनाफाको १ प्रतिशत खर्च गर्नुपर्ने राष्ट्र बैंकको प्रवाधान रहेको छ । शुक्रबार एक कार्यक्रमका बिच प्रहरीलाई सिसि क्यामेरा हस्तान्तरण गरिएको हो । सो समाग्री प्राप्त भए पश्चात डिएसपी द्धारिका प्रसाद घिमिरेले सिसि क्यामेराले आपराधिक घटना घटन कम गर्ने विश्वास व्यक्त गर्नुभयो । साथै सहयोग प्रति नेपाल बैंक लिमिटेड जिल्ला शाखा परिवारलाई धन्यावद व्यत्त गर्नुभएको छ ।