ठाने भिरको डढेलो साँझसम्म नियन्त्रणमा आएन

माघ ६, सोलुखुम्बु । सोलुखुम्बुको माप्य दुधकोशी गाउँपालिका वडा नम्बर १ ठाने स्थित दुधकोशी सामुदायिक वनको ठाने भिरमा आईतबार लागेको डढेलो साँझसम्म नियन्त्रणमा आएको छैन । दिउँसो २ : ३० बजेदेखि आगो लाग्न थालेको हो । डढेलो लागेको जानकारी प्राप्त हुन साथ प्रहरी चौकी खरीखोालाका प्रहरी हवल्दारको कमाण्डमा प्रहरीको टोली गई प्रहरी र स्थानीयबासीहरुले आगो निभाउने कार्य भइरहेको जिल्ला प्रहरी कार्यालय सोलुखुम्बुका प्रहरी नायव उपरीक्षक द्धारिका प्रसाद घिमिरेले जानकारी दिनुभयो । आगलागीको कारण भने खुल्न नसकेको प्रहरीले जनाएको छ ।