‘मोडल टुरिजम एम्बेष्टर वल्र्ड–२०२५’ मा सोलुका राउतले नेपालको तर्फबाट एकल सहभागीता जनाउने

माघ ६, सोलुखुम्बु । सोलुखुम्बुको नेचासल्यान गाउँपालिका वडा नम्बर १ का सम्भव राउतले ‘मोडल टुरिजम एम्बेष्टर वल्र्ड–२०२५’ मा नेपालको तर्फबाट प्रतिनिधित्व गर्ने भएका छन् । आगामी अप्रिल ५ देखि १२ सम्म नेपालमा आयोजना हुने अन्तराष्ट्रिय स्तरको कार्यक्रम ‘मोडल टुरिजम एम्बेष्टर वल्र्ड’मा सोलुका राउतले नेपालको तर्फबाट एकल सहभागीता जनाउने हुन् । ४ वर्ष देखि ५० वर्ष माथी उमेर समूहका व्यक्तिको सहभागीता रहने कार्यक्रममा किड्स, टिन र एडल्ट गरी ९ समूहमा प्रतिस्प्रर्धा गराइनेछ ।

क्षेत्री १७ देखि १९ वर्षको उमेर भित्र समूह (इ) मा हुने प्रतिस्प्रर्धामा नेपालको तर्फबाट प्रतिनिधित्व गर्नेछन् । ‘मोडल टुरिजम एम्बेष्टर वल्र्ड–२०२५’ अन्तरगत फेसन शो, फोटो सुट, र्याफ्टिङ, पशुपतिनाथ मन्दिर भ्रमण गराउने कार्यक्रम राखिएको छ । अप्रिल ११ मा ग्राण्ड फिनाले हुने आयोजक फेसन एराले जनाएको छ । समूहगत विजेताले आगामी जुलाईमा थाइल्याण्डमा आयोजना हुने कार्यक्रममा सहभागी बन्ने मौका प्राप्त गर्नेछन् । कार्यक्रममा दर्जन भन्दा बढी देशका प्रतिस्प्रर्धी सहभागी हुनेछन् ।