खोटाङ सेवा समाज दक्षिण कोरियाद्वारा “खोटाङ हलेसी सांगीतिक सौगात भाग–५” प्रस्तुत गर्दै

माघ ७, सोलुखुम्बु । खोटाङ सेवा समाज दक्षिण कोरियाले “खोटाङ हलेसी सांगीतिक सौगात भाग–५” मा बेजोड प्रस्तुती दिने भएको छ । कोरियान नयाँ बर्षको सलनालको अवसरमा खोटाङ सेवा समाज दक्षिण कोरियाले जनवरी २९ तारिखमा नेपालका ख्याति प्राप्त राष्ट्रिय कलाकार उपस्थितिमा दम्दार प्रस्तुति दिने भएको हो । कार्यक्रम नेपाली सम्पर्क समिति दक्षिण कोरियाको सहजीकरण र पूर्वी नेपाल समाज दक्षिण कोरियाको समन्वयमा सामाजिक कल्याणकारी सहयोगार्थ सलनालको दोस्रो दिन जनवरी २९ तारिख बुधबारका दिन दिउँसो १ बजेबाट सुरु हुने छ ।

सांगितिक कार्यक्रममा गायक सविन राई ७ फारोज लाईभ ब्याण्ड सँगै नेपालका ख्याति प्राप्त कलाकारहरु मिना राई र युवा पुस्तामाझ लोकप्रिय गायक केहर सिंह लिम्बुकाले प्रस्तुती दिने भएका छन् । कार्यक्रम मेट्रो लाईन नम्बर ६ आनाम स्टेसनको एक नम्बर अगाडि रहेको खोर्यथेहाक्यो सउल खेम्फसुमा हुनेछ । कार्यक्रम स्थल सम्म पुग्न दोङ्देमुन ३ नम्बर गेटसम्म बसको व्यवस्था गरिएको संस्थाका सहसचिव फुतेम्बा शेर्पाले जानकारी दिनुभयो । कार्यक्रम प्रवेश शुल्क ४० हजार वन तोकिएको आयोजकले जनाएको छ ।

“खोटाङ हलेसी सांगीतिक सौगात भाग–५”कार्यक्रमलाई सफल पार्नको लागि विभिन्न समिति बनाएर तयारी तिव्र भइरहेको छ, भने कार्यक्रमलाई सफल पार्न आर्थिक, नैतिक र भौतिक रुपमा साथ सहयोग गरि कार्यक्रममा प्रत्यक्ष उपस्थिति भइ भब्य मनोरञ्जन लिनका लागि दक्षिण कोरियामा रहेका सम्पूर्ण नेपालीहरूमा आयोजकले अनुरोध समेत गरेको छ ।