चिशंखुगढी गाउँपालिका ओखलढुङ्गामा सुरु भयो रनिङ शिल्ड, दौडमा माम्खा माविले ग¥यो जितको सुरुवात 

ओखलढुंगा, माघ ७ । ओखलढुंगाको चिशंखुगढी गाउँपालिकामा तेश्रो संस्करणको राष्ट्रपति रनिङ शिल्ड प्रतियोगिता सुरु भएको छ ।  गाउँपालिकाको आयोजनामा सोमबारबाट वडा नम्बर ८ माम्खा स्थित खेलमैदानमा त्रिदिवसीय प्रतियोगिता सुरु भएको हो ।  ओखलढुङ्गाका प्रतिनिधि सभा सदस्य, राज्य व्यवस्था तथा सुशासन समितिका सभापति रामहरी खतिवडाको प्रमुख आतिथ्यता एवं गाउँपालिका अध्यक्ष निशान्त शर्माको विशेष आतिथ्यतामा सुरु भएको प्रतियोगितामा गाउँपालिकाका ७ वटा माविको सहभागिता रहेको छ ।  एथ्लेटिक्स सहित १७ प्रकारका प्रतियोगितामा गाउँपालिकाका ७ माध्यमिक विद्यालयका विद्यार्थीले प्रतिस्पर्धा गर्ने छन् ।  

सोमबारको प्रतियोगितामा एथ्लेटिक्स तर्फका लामो तथा छोटो दूरीका दौड प्रतियोगिता सम्पन्न भएको छ् । सोमबार प्रतियोगिताको उद्‌घाटन खेलमा १ सय मिटर, २ सय मिटर, ४ सय मिटर, ८ सय मिटर, १५ सय सय मिटर र ३ हजार मिटर दौडका प्रतियोगिता आज भएका छन् ।  प्रतियोगिताको  ३ हजार मिटर दौड तर्फ प्रथम र द्वितीय क्रमशः कुइभीर माविका दिपेश राई र सरस्वती माविका रोहित खतिवडाले हात पारेका छन भने छात्रा तर्फ माम्खा माविकी हिमा केसी, महेश्वरी माविकी रोसना बस्नेत र कुइभीर माविकी प्रवीणा भुजेलले हात पारेका छन् ।  यता १५ सय मिटरको लामो दौड तर्फ प्रथम द्वितीय तृतीय स्थान क्रमशः कुइभीर माविका दिपेश राई, महेश्वर माविका नेत्र परियार, माम्खा माविका विकास राईले हात परेका छन् । यस्तै छात्रा तर्फ माम्खा माविका सुनन्त्रा राई, महेस्वरी माविका यशोदा राना मगर र जालपा दियाले माविकी सर्मिला खतिवडाले हात पारेकी छन् ।

यता ८ सय मिटर दौड छात्र तर्फ, पूर्ण भुजेल, विकास राई र जित बहादुर थापा मगर र छात्रा तर्फ सुनन्त्रा राई, अस्मिता राई र सृजना थापा मगरले प्रथम, द्वितीय र तृतीय स्थान क्रमशः हात पारेका छन ।  यस्तै ४ सय मिटर तर्फको प्रथम द्वितीय, तृतीय स्थान छात्र तर्फ क्रमशः मनिश बस्नेत (माम्खा मावि),राजकुमार बिक (कुइभिर मावि) र भिम मगर ( छात्र प्रगती मावि )ले हात पारेका छन् ।  भने छात्रा तर्फ भिमकुमारी बस्नेत ( माम्खा मावि ), विविशा मग्राती ( महेस्वर मावि) र रञ्जू थापा कुइभीर माविले हात पारेका छन् ।  

प्रतियोगिताको छात्रा तर्फ सय मिटर दौडमा प्रथम, द्वितीय र तृतीय स्थान क्रमशः समिक्षा राई (माम्खा मावि), प्रभासी राई ( कुइभिर मावि), कृतिका विश्वकर्मा ( छात्रप्रगती मावि )ले हात पारेका छन् । २ सय मिटरको दौडमा छात्र तर्फ किशोर माझी ( कुइभिर मावि ), सुदिन बस्नेत ( महेस्वर मावि ) र सुरेन्द्र रोक्काले हात परेका छन् । यस्तै छात्रा तर्फ प्रभासी राई ( कुइभीर मावि ), समीक्षा राई ( माम्खा मावि ) र कुन्तीमाया खत्री ( जाल्पा कालिमाटी मावि) ले हात पारेका छन् ।  प्रतियोगिताको सोमबार सम्पन्न उद्‌घाटन कार्यक्रममा गाउँपालिका उपाध्यक्ष सन्तोष बाबु थापा, गाउँपालिकाका प्रमुख प्रशासकीय अधिकृत, ८ वटै वडाका वडा अध्यक्षहरू, विद्यालयका प्रधानाध्यापक लगायतको उपस्थिति रहेको थियो ।