बराहपोखरी गाउँपालिकाको प्रशासकीय भवन माघ ११ गते उदघाटन गरिने

माघ ८, सोलुखुम्बु । खोटाङको बराहपोखरी गाउँपालिकाको प्रशासकीय भवनको उदघाटन गरिने भएको छ । ठेकेदार कम्पनीको ढिलासुस्तीका कारण समयमै निर्माण हुन नसकेको प्रशासकीय भवनको यहीँ माघ ११ गते उदघाटन गरिने भएको हो । संघीय सरकारको २ करोड ८४ लाख ५० हजार र गाउँपालिकाको २ करोड ८४ लाख ५० हजार गरी भ्याटसहित ५ करोड ६९ लाख बजेटमा निर्माण भएको तीन तले भवन निर्माण गरिएको गाउँपालिकाले जनाएको छ ।

विसं २०७६ जेठ १४ गते सम्झौता गरिएको प्रशासनिक विसं २०७८ चैत ३० गते सम्पन्न गर्ने ठेकेदार कम्पन्नीले सम्झौता गरेको थियो । भवन उदघाटन गरिने भएकाले सम्पूर्ण राजनैतिक दलका प्रमुख तथा प्रतिनिधी, १० वटै स्थानीय तहका नगर तथा गाउँपालिकाका पार्टी प्रतिनिधी, शिक्षक तथा कर्मचारी, समाजसेवी तथा बुद्धिजिबी एवंम गाउँपालिका निवासीहरुमा उपस्थितीका लागि आग्रह पालिकाले अनुरोध गरेको छ ।