माघ ८, सोलुखुम्बु । सोलुखुम्बुको महाकुलुङ गाउँपालिकाका दुई विद्यालयलाई स्टेशनरीका सामाग्री प्राप्त भएको छ । पहाडी विकास तथा संरक्षण समूह नेपालका शिक्षा अधिकृत नन्दराज कुलुङले व्यक्तिगत रुपमा दुई विद्यालयका ५५ जना विद्यार्थीलाई स्टेशनरी सामाग्री प्राप्त भएको हो । कुलुङले जनसुधार आधारभूत विद्यालय महाकुलुङ १ का ३० जना र पेल्माङ आधारभूत विद्यालय महाकुलुङ २ का २५ जना गरि जम्मा ५५ जना विद्यार्थीहरुलाई उक्त सामाग्री वितरण गरिएको शिक्षा अधिकृत नन्दराज कुलुङले बताउनुभयो ।
सामाग्री हस्तान्तरण गर्दै कुलुङले अबका दिनमा पनि सहयोग गर्दै जाने प्रतिबद्धता व्यक्त गर्नुभएको छ । स्कुलले छनोट गरेको ५५ विद्यार्थीहरुलाई सोमबार ज्यामिट्री बक्स, कापी, कलम, पेन्सिल लगायतका सामाग्री वितरण गरेको थियो । त्यस्तै विद्यालयलाई चकटी, भलिबल तथा नेट, मार्कर, ड्रविङ पेपर पनि उपलब्ध गराएको छ । कुलुङले हालसम्म सोलुखुम्बुका ६ वटा विद्यालयलाई सहयोग गर्दै आइरहेको सहकर्मी उदव कुलुङले जानकारी दिनुभयो ।
Discussion about this post