शसस्त्र प्रहरी सोलुद्धारा विद्यार्थिहरुलाई लागु औषध दुर्व्यसनी सम्बन्धी प्रशिक्षण

माघ ८, सोलुखुम्बु । सशस्त्र प्रहरी बल, नेपाल आश्रित गुल्म, सोलुखुम्बुले विद्यार्थिहरुलाई लागु औषध दुर्व्यसनी सम्बन्धी प्रशिक्षण दिइएको छ । मंगलबार सशस्त्र प्रहरी बल, नेपाल आश्रित गुल्म सोलुखुम्बुका गुल्मपति सशस्त्र प्रहरी नायव उपरीक्षक गोविन्द प्रसाद पोखरेलले विद्यार्थीहरुलाई प्रशिक्षण दिनुभएको हो । जिल्लको थुलुङ्ग दुधकोशी गाँपालिका २ काङ्गेल स्थित जिवन ज्योति माविका कक्षा ८,९,१०, ११ र १२ मा अध्ययनरत करिब ५०/५५ जना विद्यार्थिहरुलाई लागु औषध दुर्व्यसनी सम्बन्धी प्रशिक्षण दिनु भएको जनाइएको छ । उक्त प्रशिक्षण कार्यक्रमबाट विद्यालयमा अध्ययनरत विद्यार्थीहरुले लागु औषध दुब्र्यसनीमा पर्नुको कारण, यसको असर, लागु प्रकार र यसबाट बच्ने उपायहरुको बारेमा राम्रो सँग ज्ञान हाँसिल गरेको कुरा विद्यालयका प्रधानाध्यापक बाबुराम बस्नेतले बताउनुभयो ।