धरानका मेयर पानी माग्न सिंहदरबार, सोलुको मेयर पानी बेच्न जापान तिर….

धरानका मेयर हर्क साम्पाङ पानीको योजना माग्न सिंहदरबार गएका बेला सोलुका मेयर भने पानी बेच्न जापान पुगेका छन् । उच्च हिमाली क्षेत्रबाट बग्ने स्वच्छ पानीलाई ब्राण्डिङ गरेर जापान लगेर बेच्ने गरे सोलुका मेयरले जापानी लगानीकर्तासँग सहमित गरेका हुन् ।

सोलुखुम्बुमा ५ अर्बको लगानीमा पानी उद्योग खोल्ने सोलुदुधकुण्ड नगरपालिका र जापानिज लगानीकर्ता विच सहमति भएको छ । जापानको भ्रमणमा रहनु भएका सोलुदुधकुण्ड नगरपालिकाका मेयर नाम्गेल जाङ्बु शेर्पा र जापानमा रहेको विश्वकै महंगो पानी उद्पादक कम्पनी माउण्ट फुजी स्पि«ङ ईनकर्पोरेट विच सोलुमा पानी फ्याक्ट्रि खोलेर विश्व बजारमा आपुर्ती गर्ने सहमति भएको हो ।
उक्त कम्पनीका संचालक अवाई हिडेरो र नगर प्रमुख शेर्पा विच भएको सहमति अनुसार उच्च हिमाली क्षेत्रमा हिमालयन एभरेष्ट वाटरको ब्राण्डमा फ्याक्ट्रि खोलेर विश्व बजारमा स्वादिष्ट पानी आपुर्ती गरिने छ । जापानको यानाछि प्रान्तमा भएको छलफलमा कम्पनीका सिईओ अवाई टाईथिरो, सल्लाहकार ईसिइगेरो हिसासीले चाँडै सोलुमा पानी उद्योग संचालनमा ल्याई रोजगारी सृजना गर्ने र नगरपालिकाको आर्थिक सम्बृद्धिमा टेवा पुर्याउने प्रतिबद्धता ब्यक्त गरेका छन् ।

यो सहमति सँगै जापानिज लगानीकर्ताले नगरको वातावरण संरक्षण र समग्र समृद्धिमा योगदान दिने प्रतिबद्धता जनाएको नगरप्रमुख शेर्पाले बताउनु भयो । वहाँका अनुसार यो परियोजना पनि जिल्लामा सैयौँको संख्यामा रोजगारी सिर्जना र अर्थतन्त्रमा ठूलो योगदान हुने छ ।