हिमाल दर्शनको स्वर्ण जयन्तीमा काँग्रेस नेता प्रकाशसिंह कार्की सम्मानित

हिमाल दर्शन माविको स्वर्ण जयन्तीको अवसरमा समाजसेवी प्रकास सिंह कार्की सम्मानित हुनु भएको छ । विद्यालयको अक्षयकोषमा र समग्र शैक्षिक गुणस्तर अभिबृद्धिमा महत्वपूर्ण योगदान दिएको भन्दै समाजसेवी तथा काँग्रेस नेता प्रकाशसिंह कार्कीलाई दोषल्ला र प्रमाण पत्रले सम्मान गरिएको हो ।

काँग्रेस नेता कार्की र वहाँकी धर्मपत्नि मन्दिरा कार्कीलाई स्वर्ण जयन्ती उद्घाटन सत्रमा नेचासल्यान गाउँपालिका अध्यक्ष धनजन राई र पालिका उपाध्यक्ष विना राईले सम्मान गर्नु भएको हो । सम्मान ग्रहण गर्दै नेता कार्कीले आफुले विद्यालयको बृहत्तर विकासका लागि सक्दो सहयोग गर्ने प्रतिबद्धता ब्यक्त गर्नु भयो । साथै वहाँले जिल्लाको विकासका लागि सबै पक्षको हातेमालो आवश्यक रहेको भन्दै आफु निस्वार्थ रुपमा समाजको उन्नतीमा क्रियाशिल रहने धारणा राख्नु भयो ।