पञ्चन आगलागी पीडितलाई काङ्ग्रेस नेता कार्कीको सहयोग

जेठ ७, सोलुखुम्बु । पञ्चन अग्नीपीडितका लागी नेपाली काङ्ग्रेसका महाधिबेशन प्रतिनीधी तथा उद्योगी प्रकाशसिंह कार्कीले ४१ हजार रुपैयाँ आर्थिक सहयोग दिनुहुने भएको छ । गत वैशाख १९ गते भएको आगलागीबाट थुलुङ दुधकोशी गाउँपालिका वडा न्म्बर ३ पञ्चनकका ९ घर तथा गोठ मतान लगायत जलेर नष्ट हुदा करोँडौको क्षती भएको थियो । ति मध्ये ३ परिवारको विल्लीबाठ भएको थियो भने अन्य परिवारहरुको ठुलो क्षति भएको थियो । उनिहरुकै सहयोगको लागी कांग्रेस नेता काकीृले ४१ हजार रुपैयाँ आर्थिक सहयोग उपलब्ध गराउनुभएको जनाइएको छ । कार्कीले पठाएको आर्थिक सहयोग पूर्ण क्षति, आंशिंक क्षती र गोठ तथा घाँसपात तथा आगलागीको क्रममा घाउचोट लागेकाहरुका लागी वर्गीकरण गरेर वितरण गरिने  केन्द्रिय सदस्य  दिनराज बास्ताेलाले जानकारी दिनुभयाे  ।  बास्ताेलाका अनुसार मध्ये पूर्ण क्षती व्यहोरेर उठिबास भएका ३ परिवार पुर्ण बहादुर अधिकारी, अस्तीमाया राई र बडीसवा राईलाई प्रति परिवार ५ हजार रुपैयाँ वितरण गरिने छ । यस्तै आंंशिक क्षती व्यहोरेका बुद्धिमाया चर्माकर, निशान राई, दिल बहादुर राई र पारस राईको परिवारको सहयोग स्वरुप ३ हजार रुपैयाँ आर्थिक सहयोग उपलब्ध गराइने छ भने आगलागीबाट बस्तुभाउ पालनका लागी राखीएको घाँसपात सहितको मतान जलेर नष्ट भएका परिवारको लागी प्रति परिवार २ हजार र आगलागी नियन्त्तणका क्रममा चोटपटक लागेका पीडितहरुका लागी २ हजार आर्थिक सहयोग उपलब्ध गराइने बताइएकाे छ ।

नेता कार्कीले नेचासल्यान-२ मा आगलागीका कारण घर पूर्ण क्षतिग्रस्त भएका ज्ञानबहादुर खत्रीलाई नगद १० हजार आज र यसअघि देउपुजेका पीडित तीन परिवारलाई प्रतिपरिवार १० हजार नगद सहयोग गर्नुभएको थियो।