जेठ ७, सोलुखुम्बु । अनलाइन ठगीको आरोपमा सोलुखुम्बुका १ सहित ४ जना पक्राउ परेका छन । काठमाण्डौ उपत्यका अपराध अनुसन्धान कार्यालयका अनुसार अनलाइन ठगी गरेको आराेपमा सोलुखुम्बुको लिखुपिके गाउँपालिकाका सञ्जय बस्नेत सहित अन्य चार जना पक्राउ परेका हुन । उनीहरूलाई प्रहरीले काठमाण्डौ महानगरपालिका वडा नम्बर ७ सरस्वती नगरबाट जेठ ४ गते पक्राउ गरेको थियो ।
सामाजिक सञ्जाल फेसबुक सहित ह्वाट्सएप, इन्स्टाग्राम लगायत एप्स हरूको माध्यमबाट साथी बनाएर विभिन्न प्रलोभन देखाउँदै अनलाइनमा लगानी गरे दोब्बर हुन्छ भन्दै ठगी गरि विभिन्न व्यक्तिहरूको बैंकखाता १६ लाख ५९ हजार रकम ट्रान्सफर गर्ने उनीहरूको गिरोहलाई पक्राउ गरि थप अनुसन्धानका लागी प्रहरी परिषर पठाएको जनाइको छ ।
यस्ता कार्यमा संलग्न बस्नेत सहित काभ्रेपलाञ्चोक घर भएर काठमाण्डौ बस्दै आएका ३१ वर्षीय सुदीप प्याकुरेल, नुवाकोटका १९ वर्षीय छेवाङ लामा र सिन्धुपाल्चोकका २१ वर्षीय करण तामाङ गोले पक्राउ परेको काठमाण्डौ उपत्यका अपराध अनुसन्धान कार्यालयले जनाएको छ ।
Discussion about this post