दिप्लीघाटस्थित बेलिब्रिज निर्माण कार्य सम्पन्न, जेठ ९ गते उद्घाटन हुँदै

जेठ ६, सालुखुम्बु । सोलुखुम्बुको दिप्लीघाटस्थित दुधकोशी नदीमा निर्मित बेलिब्रिज जेठ ९ गतेबाट सञ्चलनमा आउने भएको छ । गत भदौमा आएको बाढीले बगाएको बेलिबृज अथक प्रयास पछि गत चैत्र बाट निर्माण सुरु भएको थियो ।

वर्षायाम अगाढीनै निर्माण सम्पन्न गरेर कोशी पारिका जनतालाई सुरक्षित यातायात सेवा उपलब्ध गराउने उदेश्य सहित निर्माण सुरु भएको बेलिब्रीज २ महिनामै निर्माण सम्पन्न भएर सञ्चालनमा आउन लागेको हो । थुलुङ दुधकोशी गाउँपालिका ८ र सोताङ गाउँपालिका १ को सिमानामा पर्ने दिप्लीमा रहेको पुल बाढीले बगाएपछि सोताङ र महाकुलुङका जनता दुधकोशीको ह्युमपाइप माथिबाट जोखीम पुर्ण यात्र गरिरहनुपरेको थियो ।

सोताङ, महाकुलुङ र थुलुङ दुधकोशी गाउँपालिकाले प्राथमिकतामा राखेको बेलिब्रीज निर्माण कार्य वर्षायाम अगाढीनै सम्पन्न भएपछि यस क्षेत्रका नागरिकको यातायातका समस्या सामाधान भएका छन । उक्त पुलको सोताङ गाउँपालिका अध्यक्ष खिलराज बस्नेतका प्रमुख आतिथ्यता तथा महाकुलङ गाउँपालिका अध्यक्ष सूर्य बहादुर कुलुङको अध्यक्षतामा उद्घाटन गरिने भएको छ ।

बेलिब्रीज निर्माण भएपछि अव सोताङ र महाकलुङका जनताले सहज यातायात सेवा पाउने महाकुलुङ गाउँपालिकाका अध्यक्ष सुर्य बहादुर कुलुङ बताउनुहुन्छ । पुल निर्माणका लागी आफुहरु अहोरात्र खटिएको स्मरण गर्दे सोताङ गाउँपालिका अध्यक्ष खिलराज बस्नेतले निर्माण कार्य सम्पन्न भएकोमा खुसी व्यक्त गर्नुभएको छ ।