पाथीभरामा केबलकार विवाद : कोशीको पाँच जिल्लाका सांसदहरूसँग गृहमन्त्रीको संवाद

माघ १५, सोलुखुम्बु । ताप्लेजुङको पाथीभरामा आईएमई ग्रुपले निर्माण गर्न लागेको केबलकारलाई लिएर तनाव बढेपछि गृहमन्त्री रमेश लेखकले छलफल थालेका छन् । मन्त्री लेखकले मंगलबार अपरान्ह ५ बजेदेखि कोशी पहाडका ५ जिल्लाबाट संघीय संसद्मा प्रतिनिधित्व गर्ने विभिन्न दलका नेताहरूसँग संवाद गरेका हुन् ।

पाथीभरा केबलकारको सन्दर्भमा उनले ताप्लेजुङ, इलाम, पाँचथर, धनकुटा र संखुवासभाका सांसदहरूसँग सिंहदरबारमा छलफल गरेका हुन् । शनिबार ‘नो केबलकार समूह’र सुरक्षाकर्मीबीच तनावपूर्ण झडप भएपछि सरकारले यसबारे कोशी पहाडका जनप्रतिनिधिहरूसँग यो संवाद भएको हो। ती सांसदहरूको सुझावपछि केबलकारबारे सरकारले उचित कदम चाल्ने भएको छ ।