तामाङ समुदायको सोनाम ल्होछार सोलुखुम्बुमा भव्यताका साथ मनाइयो

माघ १७, सोलुखुम्बु । तामाङ समुदायको महान पर्व सोनाम ल्होछार आज भव्यताका साथ मनाइएको छ । हिमाली जिल्ला सोलुखुम्बुका तामाङ समुदायले समेत आज सोनाम ल्होछारलाई हर्षोल्लासको साथ मनाएका हुन । तामाङ समुदायले बाह्र प्रकारका ल्होछारहरू मनाउने गर्दछन् । विशेषतः नयाँ वर्षको रुपमा ल्होछार मनाइने गरेको छ । १२ वटा ल्हो अर्थात वर्षमध्ये यस पटकको सोनाम ल्होछार तामाङ जातीहरूको सर्पको ल्होछार हो ।

विहीबार नेपाल तामाङ घेदुङ सोलुदुधकुण्ड नगरपालिका कार्यसमितिको आयोजनामा सम्पन्न सोनाम ल्होछारको अवसरमा शुभकामना आदानप्रदान तथा ल्होछार विशेष सांस्कृतिक कार्यक्रममा सोलुखुम्बु निवासी तामाङ समुदायले संस्कृति संरक्षण र सरकारी कामकाजी भाषाको रुपमा तामाङ भाषलाई राखिनुपर्नेमा जोड दिँदै मनाएका हुन । तामाङ भाषालाई सरकारी कामकाजको भाषा बनाउनुपर्ने माग सहित पौराणिक संस्कार संस्कृतिहरुको जगेर्ना गर्न समुदाय जुरुक्क उठेर लागी पर्नुपर्नेमा उनीहरूको जोड छ ।

बुद्ध धर्मावलम्बी तामाङ समुदायको विषेश पर्वनै ल्होछार भएको नेपाल तामाङ घेदुङ सोलुदुधकुण्ड नगर कार्यसमिति अध्यक्ष तथा आजको कार्यक्रमका अध्यक्ष बहादुर तामाङको भनाई छ । उहाँका अनुसार सांस्कृतिक पर्वको साथै तामाङ समुदायको पहिचानको पर्व समेत सोनाम ल्होछार भएकोले यसको विषेश महत्व आफूहरूको समुदायमा गरिने उहाँको भनाई छ । आज फाप्लुमा आयोजित कार्यक्रमको प्रमुख आतिथ्यता केन्द्रिय सदस्य शारदा तामाङले गर्नुभएको थियो भने कार्यक्रममा नेपाल तामाङ घेदुङ जिल्ला समन्वय समितिका अध्यक्ष धर्म बहादुर तामाङ लगायत समुदायका विशिष्ट व्यक्तिहरूको उपस्थिति रहेको थियो ।

नेपालमा तामाङ करिव १६ लाख ६४ हजार जनसङ्ख्या तामाङ समुदायको छ भने कुल जनसङ्ख्याको ५ दशमलव ६२ प्रतिशत बसोबास तामाङ समुदायको छ । केन्द्रिय सदस्य शारदामाया तामाङले गर्नुभएको थियो भने कार्यक्रममा नेपाल तामाङ घेदुङ जिल्ला समन्वय समितिका अध्यक्ष धर्म बहादुर तामाङ लगायत समुदायका विशिष्ट व्यक्तीहरुको उपस्थीति रहेको थियो । नेपालमा तामाङ करिव १६ लाख ६४ हजार जनसंख्या तामाङ समुदायको छ भने कुल जनसंख्याको ५ दशमलव ६२ प्रतिशत बसोबार तामाङ समुदायको छ ।