नाम्चेमा हावाहुरीको वितण्डा घरको छानो सहित सोलार प्यानल उडायो

माघ १७, सोलुखुम्बु । सोलुखुम्बुको खुम्बु पासाङल्हामु गाउँपालिका वडा नम्बर ५ नाम्चेमा हावाहुरीले घरको छानो सहित सोलार प्यानल उडाएको छ । दिउँसोको भिषण हावाहुरीले नाम्चेका एक घरको छानो सहित चार घरको सोलार प्यानल उडाएको जिल्ला प्रहरी कार्यालय सोलुखुम्बुले जनाएको छ । जस्मा नाम्चेका स्थानीय पासाङ ल्हामु शेर्पाको ढुगां माटोले बनेको  २ तले घरको टिनको छानो उडाएको छ ।

सोही स्थानका लामा काजी शेर्पाको ढुगां माटोले बनेको भुईतले घरको टिनको छाना उडाएको जिल्ला प्रहरी कार्यालय सोलुखुम्बुका प्रहरी नायव उपरीक्षक द्धारिका प्रसाद घिमिरेले जानकारी दिनुभयो । उहाँका अनुसार सोहि ठाउँका निमा नुरु शेर्पाको ५ सय वाटको सोलार प्यानल १० थान, दोर्ज लामाको खङ्ग्री होटल एण्ड लजको ५ सय वाटको सोलार प्यानल १० थान, आङ नुरु शेर्पाको होली डे एण्ड लजको ५ सय वाटको सोलार प्यानल ३ थान र सोनाम दावा शेर्पाको खुम्बुचे लजको २ सय वाटको सोलार प्यानल १६ थान उडाएको प्रहरीले जनाएको छ ।