आगलागी पिडित बास्तोलाद्धयलाई १ लाख बढी आर्थिक सहयोग

माघ १८, सोलुखुम्बु । सोलुखुम्बुको नेचासल्यान गाउँपालिका वडा नम्बर ३ गैरी बजारका आगलागी पिडित मुक्ति बास्तोलालाई १ लाख बढी आर्थिक सहयोग जुटेको छ । आगलागी पिडित मुक्ति बास्तोला तथा रमेश बास्तोला आर्थिक सहयोग अभियान अन्तर्गत सहयोग संकलन गरि आदर्श युवा क्लबले १ लाख ९ हजार ४ सय ३० रुपौयाँ आर्थिक सहयोग जुटाएको हो ।

बास्तोलाद्धयको घर आगलागीबाट पूर्ण रुपमा जलेर क्षेति भएकाले विपतको क्षणमा सहयोग पुग्ने हेतुले सहयोग अभियानमा देश विदेशबाट सहयोगिहरुले उपलब्ध गराएको रकम पिडित परिवारलाई हस्तान्तरण गरिएको क्लबका अध्यक्ष भुवाजित राईले बताउनुभयो ।

पीडित दुई परिवारलाई क्लबका अध्यक्ष भुवाजित राई, सुर्योदय आविका प्रधानाध्यापक बालाधन राई, वडा सदस्य बिष्णु प्रसाद बास्तोला, थुलुङ सामा अध्यक्ष तेज बहादुर राई लगायतको उपस्थितिमा सहयोग रकम हस्तान्तरण गरिएको सहकर्मी सोभित ढुगेंलले जानकारी दिनुभयो । क्लबको अभियानमा जोडिएर सहयोग गर्नुहुने सहयोगीहरु प्रति आदर्श युवा क्लब परिवारले धन्यवाद व्यक्त गरेको छ ।