थुलुङ दुधकोशी गाउँपालिका : पुर्व रोजगार उपभोक्ता समितिलाई १ दिने अभिमुखिकरण

माघ २०, सोलुखुम्बु । सोलुखुम्बुको थुलुङ दुधकोशी गाउँपालिकामा प्रधानमन्त्री रोजगार कार्यक्रम अन्तर्गत तीन वटा वडामा काममा खटिनु पुर्व रोजगार उपभोक्ता समितिलाई १ दिने अभिमुखिकरण कार्यक्रम दिईएको छ । रोजगार सेवा केन्द्र थुलुङ दुधकोशीको आयोजनामा आईतबार वडा नम्बर ४, ५ र ९ मा अभिमुखिकरण कार्यक्रम दिइएको हो ।

सोही कार्यक्रमको अवसरमा कामदारको लागि सुरक्षा सामाग्री समेत हस्तान्तरण गरिएको छ । गाउँपालिका अध्यक्ष असिम राईले वडा अध्यक्षहरु मार्फत उक्त सामाग्री हस्तान्तरण गरिएको पालिका प्रवक्ता भोजराज कार्कीले जानकारी दिनुभयो । कार्यक्रममा बोल्दै गाउँपालिका अध्यक्ष असिम राईले पालिकाबाट रोजगार सृजना गर्ने कार्यक्रमलाई जोड दिएको बताउनुभयो ।

थुलुङ दुधकोशी गाउँपालिकाले स्थानीय तहले निर्धानरण गरेको अर्धदक्ष ज्यालाको हुन आउने ८० प्रतिशत रकम थप गरि ज्याला दिने गरेको छ । अधिकांश स्थानीय तहले राष्ट्रिय ज्याला ६६८ भुक्तानी गरिरहेको भएपनि थुलुङ दुधकोशीले भने निर्देशिका अनुसार थप गरि प्रति कामदार ८०० भुक्तानी गरेको अध्यक्ष राईले बताउनुभयो ।