प्रस्तुति दिन नपाएको भन्दै  गायक सबिन राईले गरे गुनासाे

माघ २१, साेलुखुम्बु । फारोको सिलिगुडी सुक्ना  कार्यक्रमका लागि गएकाे गायक सबिन राई र उनको ब्याण्डसहितकाे कार्यक्रम  अन्तिम समयमा आयोजकका कारण  रोकिएको छ। उनीहरूले प्रस्तुतिका लागि आफूहरू समयमै आउँदा आउँदै पनि आयोजकको बेवास्ताको कारण प्रस्तुति दिन नपाएको भन्दै  गायक सबिन राई र उनका ब्याण्डका सदस्यले सामाजिक सञ्जालमा एक भिडियो पोस्ट गर्दै गुनासाे गरेका  छन् ।

‘हेलो सिलिगुडी हिजो फेब्रुअरी २ सुक्नाको शोका लागि हामी आएका थियौ । तर हामी कुनै पनि कलाकारले प्रस्तुति दिन सकेनौ । यसका लागि हामी मनदेखि नै तपाईँहरूसँग क्षमा माग्छौ’, सबिनले भिडियोमा अगाडि भनेका छन्, ‘आयोजकले नजानेको हो वा जानी जानी यस्तो गरेको हो । त्यो हामीलाई थाहा भएन । हामीले आयोजकलाई भेटेको पनि थिएन । अन्तिम समयसम्म पनि आयोजकले अनुहार नदेखाएपछि ठिक भएन जस्तो नलागेर हामी अगाडि बढेनौ ।’