माघ २१, साेलुखुम्बु । अंग्रेजी वर्ष २०२५ काे पहिलो महिनामा नै झण्डै ८० हजार पर्यटक नेपाल घुम्न आएका छन् । अध्यागमन विभागको तथ्यांकअनुसार जनवरीमा ७९ हजार ९९१ जना पर्यटक नेपाल घुम्न आएका हुन् ।
उक्त तथ्यांकअनुसार जनवरी महिनामा सार्क मुलुकबाट २९ हजार ४८७, युरोपियन मुलुकबाट १० हजार ३६७, अमेरिकन मुलुकबाट ९ हजार ६३७ र अन्य एशियाली मुलुकबाट २० हजार ३९१ जना पर्यटक नेपाल घुम्न आएका छन् । त्यसैगरी मध्यपूर्वबाट ६८५, अफ्रिकाबाट २९२ र अष्ट्रेलिया र न्यूजिल्यान्डबाट ४ हजार ५८१ जना पर्यटक नेपाल घुम्न आएकाे तथ्यांकमा उल्लेख छ ।
अघिल्लो वर्षको जनवरीमा ७९ हजार १ सय जना पर्यटक नेपाल घुम्न आएका थिए भने कोरोना महामारीको पूर्व सन् २०१९ को जनवरीमा ८१ हजार २७३ जना पर्यटक नेपाल घुम्न आएका थिए ।
Discussion about this post