डिभिजन वन कार्यालय सोलुबाट तीन आर्थिक बर्षमा २६ लाख बढी वन उद्यम अनुदानमा खर्च

माघ २१, सोलुखुम्बु । डिभिजन वन कार्यालय सोलुखुम्बुले ३ आर्थिक बर्षमा २६ लाख बढी वन उद्यम अनुदानमा खर्च गरेको छ । गत आर्थिक बर्ष २०७८/०७९ देखि २०८०/०८१ सम्ममा २६ लाख ७० हजार रुपौयाँ वन उद्यम अनुदानमा खर्च गरेको हो । डिभिजन वन कार्यालय सोलुखुम्बुको तथ्याङक अनुसार गत आर्थिक बर्ष २०७८/०७९ मा प्रदेश वन विकास तथा व्यवस्थापन कार्यक्रम अन्तर्गत वन उद्यम विकास अनुदान तर्फ ५० हजार र पर्यापर्यटन प्रवद्र्धनमा १० हजार रुपौयाँ बजेट खर्च गरिएको छ ।

यस्तै जडीबुटी विकास कार्यक्रम अन्र्तगत जडीबुटी भण्डारण तथा प्रशोधन केन्द्रका लागि १० हजार रुपौयाँ र राष्ट्रिय वन विकास तथा व्यवस्थापन कार्यक्रम मार्फत सिमसार संरक्षणका लागि २० हजार रुपौयाँ खर्च गरिएको डिभिजन वन कार्यालय सोलुखुम्बुका सूचना अधिकारी मना राज राईले बताउनुभयो । उहाँका अनुसार आर्थिक बर्ष २०८९/०८० मा प्रदेश वन विकास तथा व्यवस्थापन कार्यक्रम मार्फत सामुदायिक वन उद्यमका लागि ८ लाख ७० हजार रुपौयाँ खर्च गरिएको हो ।

यस्तै २०८०/०८१ म प्रदेश वन विकास तथा व्यवस्थापन कार्यक्रम अन्तर्गत सामुदायिक वन उद्यमका लागि ९० हजार रुपौयाँ खर्च गरिएको कार्यालयका सूचना अधिकारी राई बताउनुभयो । सल्यानका लाक्पा शेर्पा, दुधकुण्ड सामुदायिव वन, लोले छिरिङ सामुदायिक वन, घुम्नेपानी सामुदायिक वन र भकाञ्जे सामुदायिक वन, मोपुङ सामुदायिक वन, भीरकुना सामुदायिक वन र फिकानाम देवाकु सामुदायिक वनलाई प्रदान गरिएको डिभिजन वन कार्यालय सोलुखुम्बुको प्रमुख रामजी शाहले जानकारी दिनुभयो ।