प्रधानमन्त्री कृषि आधुनिकीकरण ओखलढुंगााको आयोजनामा किवी सम्बन्धी तालिम सम्पन्न

माघ २५, सोलुखुम्बु । प्रधानमन्त्री कृषि आधुनिकीकरण ओखलढुंगााको आयोजनामा सोलुखुम्बुको थुलङु दुधकोशी गाउँपालिका वडा नम्बर २ काँगेलमा किवि सम्बन्धी अभिमुखिकरण तालिम सम्पन्न भएको छ । यहि माघ २४ गते “किबि बगैँचा सुढृदिकरण तथा व्यवस्थापन” सम्बन्धी अभिमुखीकरण तालिम सम्पन्न भएको हो ।

प्रधानमन्त्री कृषि आधुनिकीकरण परियोजना, परियोजना कार्यान्वयन एकाइ, ओखलढुंगाका प्रमुख हेम बहादुर आले मगर, प्रधानमन्‍त्री कृषी आधुनिकिकरण परियोजना सञ्‍चालन ईकाई, सोलुखुम्बुका प्रमुख सञ्‍जय बस्‍नेत  लगायत प्राविधिक टोलि सहित किसानहरुको उपस्थितिमा उक्त तालिम सम्पन्न गरिएको छ ।

काँगेलको एक किवि फर्म मै गई फिल्डमा नै किवि सम्बन्धी सम्पूर्ण जानकारी दिइएको र यो प्रभावकारी रहेको कार्यालय प्रमुख सञ्जय बस्नेतले बताउनु भयो ।
उक्त तालिममा किवि रोप्ने देखि हेरचाह गर्ने र टिप्ने सम्बन्धी सम्पूर्ण कुराहरु सिकाइएको छ ।

किवी फल खेती हाल नेपालमा विस्तार लोकप्रिय हुदै आएको छ । यो फल धेरै पोष्टिक तत्वले भरिपुर्ण भएको विभिन्न अनुसन्धानले देखाइरहेको छ । यसको नियमित सेवनले मधुमेह, मुटुसम्वन्धी रोगहरु, मांशपेशिय क्षय, मोटोपना र दम जस्ता रोगहरुबाट टाढा राख्छ ।

सबै उमेर समुहका व्यक्तिहरुका लागि उपयुक्त फल गर्भवती महिलाको लागि बढी फाइदा जनक हुन्छ । यसको फलबाट जुस, जाम र अन्य पेय पदार्थ बनाई उपयुक्त समयमा खान सकिन्छ ।