सोलुदुधकुण्ड नगरपालिकाको ६ महिनामा करिव ३० प्रतिशत बजेट खर्च 

माघ ३०, सोलुखुम्बु । सोलुखुम्बुको सोलुदुधकुण्ड नगरपालिकाले चालु आर्थिक वर्षको ६ महिनामा करिव ३० प्रतिशत बजेट खर्च गरेको छ । नगरपालिकाले आर्थिक वर्ष २०८०/८१ मा विनियोजित बजेट मध्येको २९ दशमलव ७३ प्रतिशत बजेट खर्च गरेको हो ।  नगरपालिकाको आज बुधबार सम्पन्न नगरसभाको १५ औँ अधिवेशनमा समीक्षा गर्नेक्रममा उक्त बजेट खर्च भएको जनाइएको हो ।

नगरप्रमुख नाम्गेल जाङ्बु शेर्पाको अध्यक्षतामा सम्पन्न अधिवेशनमा नगरपालिकाले चालु आर्थिक वर्षमा विनियोजित बजेट मध्ये २२ करोड ६४ लाख ३५ हजार १ सय ६४ रुपैयाँ बजेट खर्च गरेको जनाइएको हो ।  जसमध्ये चालु तर्फ नगरपालिकाले १८ करोड ६१ लाख  ८९ हजार ५ सय ७२ र पुँजीगत तर्फ ४ करोड २ लाख ४५ हजार ५ सय ९२ रुपैयाँ रकम यो ६ महिनामा नगरपालिकाले खर्च गरेको छ ।

 यस्तै नगरसभाको अधिवेशनले २ करोड ६१ लाख १६ हजार रुपैयाँ बराबरको कार्यक्रम तथा योजना संसोधन गरेको छ ।  जसमध्ये ९६ लाख १० हजार रकमान्तर गरिएको छ भने बाकी १ करोड ६७ लाख ६ हजार रुपैयाँ बजेट थप गरेर नगरवासीको विकासको चाहनालाई पुरा गर्न सीमित श्रोत साधन परिचालन गरि विकास निर्माण लगायत अन्य गतिविधि सञ्चालन गरिने नगर प्रवक्ता फुर्वा ग्याल्जेन शेर्पाले बताउनुभयो ।