माघ ३०, सोलुखुम्बु । उपप्रधान तथा अर्थमन्त्री विष्णु पौडेलले सोलुखुम्बु र मुस्ताङमा हाई अल्टिच्युट स्पोर्ट स्टेडियम बनाउने बताउनुभएको छ । बुधबार सोलुखुम्बुको माप्य दुधकोशी गाउँपालिकामा आयोजित अध्यक्ष कप तथा राष्ट्रपति रनिङ शिल्ड प्रतियोगितामा यस्तो बताउनुभएको हो । प्रतियोगिताको उद्घाटन कार्यक्रममा बोल्दै उपप्रधान तथा अर्थमन्त्री पौडेलले दुई जिल्लाको उच्च स्थानमा रंगशाला बनाउन बजेट विनियोजन गर्ने भन्दै अर्थमन्त्रीले खेलकुद पर्यटनको विकासमा सरकार दृढ रहेको बताउनुभयो ।
हाइअल्टिच्युटमा खेल खेल्न विश्वभरका खेलाडीहरु आएसँगै पर्यटन प्रबद्र्धनमा टेवा पुग्ने उल्लेख गर्नुभयो । यस्तै तिब्र विकास मार्फत सन् २०२६ सम्म नेपाललाई विकासशील राष्ट्रको सुचिमा स्तरउन्नती गर्ने उल्लेख गर्नुभएको छ । अर्थमन्त्री पौडेलले देशको विकास गरि विदेशमा भएका युवालाई नेपाल भित्र्याएर सम्बृद्ध देश बनाउने धारणा राख्नुभयो ।
Discussion about this post