ऐसेलुखर्क गाउँपालिका : राष्ट्रपति रनिङ शिल्डको उपाधि त्रिभुवन माविलाई

माघ ३०, सोलखुम्बु । खोटाङको ऐसेलुखर्क गाउँपालिकाको ५ औं राष्ट्रपति रनिङ शिल्डको उपाधि त्रिभुवन माध्यमिक विद्यालयले जितेको छ । माघ २७ गतेबाट सुरु भएको प्रतियोगितामा त्रिभुवन माविले विभिन्न विधाका प्रतियोगितामा १२ स्वर्ण पदक, १० रजत पदक, ५ कास्य पदक जिन्दै उपाधि हात पारेको हो । बुधबार सम्पन्न प्रतियोगितामा कालिका बाल विकास मावि ८ स्वर्ण पदक, ८ रजत पदक, ७ कास्य पदक सहित दोस्रो भएको छ । यस्तै ४ स्वर्ण पदक, ५ रजत पदक, ५ कास्य पदक सहित कालिका मावि बाकाचोल तेस्रो भएको छ ।

रनिङ शिल्ड प्रतियोगितामा २ स्वर्ण पदक, ३ रजत पदक, १ कास्य पदक सहित सिम्ले मावि सिम्ले–चौथो, हुँदा २ स्वर्ण पदक, २ रजत पदक, ११ कास्य पदक सहित शिशु मावि महेश्वरी– पाचौं स्थानमा छ । २ स्वर्ण पदक, २ रजत पदक, २ कास्य पदक सहित माक्पा मावि, माक्पा– छैटौं स्थानमा छ । यता १ स्वर्ण पदक, २ रजत पदक, ११ कास्य पदक सहित जाल्पा मावि, बादेल– सातौं सातौं स्थानमा छ ।

आठौं स्थानमा १ स्वर्ण पदक, ० रजत पदक, १ कास्य पदक सहित शान्तोदय मावि, ज्यामिरे– आठौं स्थानमा रहेको गाउँपालिका अध्यक्ष गिरेन्द्र बहादुर राईले जानकारी दिनुभयो । प्रतियोगिताको समापन सगैँ प्रतियोगिहरुलाई सम्मान गरिएको छ । गाउँपालिकाले आगामि आर्थिक बर्ष २०८२÷०८३ को छैठौं राष्ट्रपति रनिङ शिल्ड प्रतियोगिता जाल्पा मावि बादेलमा आयोजना गर्ने गरी झण्डा समेत हस्तान्तरण भएको छ ।