३० औँ पटक सगरमाथाको चुचुरोमा कामिरिता

जेठ ८, सोलुखुम्बु । नेपाली हिमाल आरोही कामिरिता शेर्पा ३० औं पटक सगरमाथापको चुचुरोमा पुग्न सफल भएका छन् । उनले सबैभन्दा धेरे पटक सगरमाथा चढ्ने व्यक्तिको कीर्तिमानी पनि बनाएका छन् । यससँगै उनी १४ पिक्स एक्पीडिसनका सिनियर ट्रेक गाइड समेत हुन ।

उनले १४ पिक्स एक्सपिडिसनमा आवद्ध भएर ३० औं पटक सगरमाथा चढेका हुन् भने यो सिजनमा उनको यो दोस्रो आरोहण हो । करिव १० दिनको बीचमा उनी दोस्रो पटक सगरमाथाको चुचुरोमा पुग्न सफल भएका छन् । बुधबार बिहान ७ बजेर ३९ मिनेटमा उनि सगरमाथाको ३० औँ पटक सफल आरोहण गरेको सेभेन समिट ट्रेक्सले जनाएको छ ।

यसअघि गत बैशाख ३० गते आइतबार २९ औँ पटक सगरमाथाको चुचुरोमा पुगेका थिए ।  सन् १९९४ मे १३ मा पहिलो पटक सगरमाथाको चुचुरोमा पुगेका कामीरिताको नाममा आठ हजार मिटर अग्ला शिखरमा सबैभन्दा बढी आरोहण गरेको कीर्तिमान छ ।

सगरमाथाको दोस्रो शिविरमाथिको बाटो बनाउने जिम्मा इमाजिन नेपाल ट्रेक एन्ड एक्सपिडिसन कम्पनीले पाएको थियो । पर्यटन विभागका अनुसार ४१ आरोही समूहका चार सय १९ आरोहीले यो बसन्त ऋतुमा आरोहण अनुमति लिएका हुन्।