फागुन ०५, साेलुखुम्बु । भारतको उत्तरप्रदेशको प्रयागराजमा जारी महाकुम्भ मेलामा स्नान गर्न गएका तीर्थालु सवार गाडी दुर्घटना हुँदा ३ जनाको मृत्यु भएको छ ।
मृत्यु हुनेमा रुपन्देहीको देवदह नगरपालिका वडा नं ९ निवासी ४५ वर्षीय गणेश खनाल, उनकी श्रीमती ३५ वर्षीया दीपा खनाल र ४० वर्षीया गीता शर्मा रहेका छन् ।
कुम्भमेलाबाट फर्किँदै गर्दा भारत उत्तर प्रदेशको आजमगढ बाराणसी रोडको डिभाडरमा ठोक्किएर उनीहरु सवार स्कर्पियो दुर्घटनामा परेको हो । दुर्घटनामा परी चालकसहित ५ जना घाइते भएको प्रहरीले जनाएको छ ।
युपी ५३ एफ डी ४२८८ नम्बरको भारतीय गाडी डिभाडरमा ठोक्किएको थियो । चालक निदाएका कारण दुर्घटना परको प्रारम्भिक अनुमान रहे पनि हालसम्म के कारणले उक्त गाडी दुर्घटनामा परेको हो भन्ने खुल्न सकेको छैन ।
प्रहरीका अनुसार चालक भने भारतीय हुन् । भारतीय चालक रितेश दुबेसहित देवदह भलुहीकी कोपिला पोखरेल, उनका छोरा सुभम पोखरेल, आविष्कार पराजुली, यमकलादेवी मगर रहेका छन् ।
उनीहरुको स्थानीय अस्पतालमा प्राथमिक उपचारपछि थप उपचारका लागि गोरखपुर पठाइएको छ ।
Discussion about this post