सोलुखुम्बु साेताङको एक घरमा आगलागी, भाँडाबर्तन, लत्ताकपडा सबै जलेर सत्यनास

फागुन ५, सोलुखुम्बु ।  सोलुखुम्बुको एक घरमा आगलागी भएको छ ।  जिल्लाको सोताङ गाउँपालिका वडा नम्बर २ चेपेल भन्ने स्थानमा भएको आगलागीबाट स्थानीय बलिराम राईको घर पूर्ण रुपमा जलेर नष्ट भएको हो ।  राईको घर भित्र बालेको चुल्होबाट सल्किएको आगोले घर सहित घरभित्र भएको सरसामान तथा लत्ताकपडा सबै जलाइदिएको प्रहरीले जनाएको छ ।  जिल्ला प्रहरी कार्यालय सोलुखुम्बुका अनुसार गएराती ११ बजेतिर भएको आगलागीबाट राईको घरभित्र भएको लत्ताकपडा अन्नपात कुखुरा जलेको हो ।  आगलागी नियन्त्रण करिव २ घण्टा ३० मिनेट पछि अर्थात राती १  बजेर ३० मिनेटमा लिइएको थियो ।  साँडे २ घण्टा सम्म लागेको आगोले राईको घर पूर्ण रुपमा क्षति भएको छ ।  स्थानीयको मद्दतमा आगलागी नियन्त्रणमा लिइएको र आगलागीबाट अन्य मानवीय नभएको जिल्ला  प्रहरी कार्यालय सोलुखुम्बुका प्रमुख द्वारिका प्रसाद घिमिरेले जानकारी दिनुभयो ।