फाप्लु विमानस्थलमा रिफ्युलिंग सेन्टर राख्न सोलु दुधकुण्ड नगरपालिकाको माग

फागुन ५, सोलुखुम्बु । सोलुखुम्बुको सोलुदुधकुण्ड नगरपालिकाले नेपाल आयल निगम लिमिटेड, केन्द्रीय कार्यालय सँग फाप्लु विमानस्थलमा रिफ्युलिंग सेन्टर राख्न गरेको छ । पर्यटन सिजनमा खुम्बु क्षेत्रको मौसम बारम्बार परिवर्तन हुँदा हवाई उडानहरू रद्द हुने भएकाले नगरपालिकाले फ्युल सेण्टर राख्न माग गरेको हो । फाप्लुमा नियमित उडान नहुदाँ सोलुखुम्बु जिल्लाको तल्लो क्षेत्रको पर्यटन पनि प्रभावित भएको छ ।

जसले स्थानीय यात्रुहरूको हवाई यात्रा र आकस्मिक उद्धारमा समस्या सृजना गरेको सोलुदुधकुण्ड नगरपालिकाका मेयर नाम्गेल जाङ्बु शेर्पाले बताउनुभयो । उक्त समस्याको समाधानका लागि, हालका रामेछाप लुक्ला र फाप्लुको सट्टा सिधै काठमाण्डौं–फाप्लु र फाप्लु–लुक्ला उडानको लागि सोलुदुधकुण्ड नगरपालिका स्थित फाप्लु एयरपोर्टलाई हवाई उडानको मुख्य केन्द्र बनाउनुपर्नेमा उहाँले जोड दिनुभएको छ ।

सोलुखुम्बु क्षेत्रका नियमित उडानहरू सुनिश्चित गर्दै पर्यटकहरूको संख्या वृद्धि गर्ने विश्वास लिइनुका साथै पर्यटन प्रवद्र्धनमा महत्वपूर्ण योगदान पुर्याउने अपेक्षा राखिएको छ । फाप्लु विमानस्थलमा हवाई इन्धन रिफ्युलिंग सेन्टरको सुविधा आवश्यक देखिएकाले नेपाल आयल निगम लिमिटेड, केन्द्रीय कार्यालयलाई आग्रह गरिएको छ ।