प्रजातन्त्र दिवसका अवसरमा सोलुखुम्बु प्रहरी तथा प्रशासनले ग¥यो मन्दिर सरसफाइ 

फागुन ६, सोलुखुम्बु ।  प्रजातन्त्रमा दिवस २०८१ को अवसरमा सोलुखुम्बु प्रहरीले धार्मिकस्थल सरसफाइ गरेको छ ।  फागुन ७ गते अर्थात  बुधबार मनाइन लागेको प्रजातन्त्र दिवसको अवसरमा प्रहरीले सोलुखुम्बुको सोलुदुधकुण्ड नगरपालिका ४ स्थित सानो दुधकुण्ड सरसफाइ गरेको हो । जिल्ला प्रशासन कार्यालय सोलुखुम्बुका प्रमुख जिल्ला अधिकारी अनोज कुमार घिमिरे, जिल्ला प्रहरी कार्यालय सोलुखुम्बुका प्रमुख डीएसपी द्वारीका प्रसाद घिमिरे सहितको सुरक्षा समितिको टोली पुगेर मन्दिर सरसफाइमा जुटेको हो । मन्दिर सरसफाइका लागी पुगेको टोलीले सानो दूधकुण्ड सेतीदेवीको परिसरमा भएको पातपतिङ्गर, प्लाष्टिकजन्य फोहोर सरसफाइ गरेको छ ।  मन्दिर  सरसफाइका लागी  जिल्ला सोलुदुधकुण्ड नगरपालिका वडा नम्बर ४ का अध्यक्ष युवास तामाङ, सरकारी वकिल कार्यालयका प्रमुख, जिल्ला न्यायधीश, कोष तथा लेखा नियन्त्रक कार्यालय प्रमुख लगायत मन्दिरमा पुग्नुभएको थियो ।  २००७ साल फागुन ७ गते १ सय ४ वर्षीय राणाशासनको अन्त्य भई जनताको शासन लागुभएको दिनको सम्झनामा नेपालमा प्रजातन्त्र दिवस मनाइँदै आएको छ ।