सेवानिवृत राष्ट्रसेवक सङ्घ खोटाङको अध्यक्षमा आचार्य सर्वसम्मत

फागुन ८, सोलुखुम्बु । सेवानिवृत राष्ट्रसेवक सङ्घ नेपाल शाखा खोटाङको अध्यक्षमा चित्राखर आचार्य सर्वसम्मत चयन हुनुभएको छ । दिक्तेल बजारस्थित नेपाल निजामती कर्मचारी सङ्गठनको कार्यालयमा बुधबार सम्पन्न प्रथम जिल्ला अधिवेशनले आचार्यलाई सर्वसम्मत अध्यक्षमा चयन गरेको हो ।

आचार्यको अध्यक्षतामा १५ सदस्यीय जिल्ला कार्यसमिति सर्वसम्मत चयन गरेको छ । कार्यसमितिको उपाध्यक्षमा कृष्ण गिरी, हितमाँया बस्नेत, सचिवमा लक्ष्मी दाश शैजु, सह–सचिवमा ओमराज खतिवडा र कोषाध्यक्षमा टङ्कप्रसाद आचार्य रहेका छन् । अधिवेशनबाट तारानाथ आचार्य केन्द्रिय प्रतिनिधिमा चयन हुनुभएको छ ।

सोमनाथ पाण्डे, ददिप्रसाद आचार्य र थीरबहादुर कार्की प्रदेश प्रतिनिधिमा चयन हुनुभएको नवनिर्वाचित अध्यक्ष आचार्यले जानकारी दिनुभयो ।