उदयपुरमा जन्ती बोकेको गाडी दुर्घटना हुँदा एक जनाको मृत्यु, पाँच घाइते

फागुन ९, सोलुखुम्बु । मदन भण्डारी लोकमार्गको उदयपुरको उदयपुरगढी गाउँपालिका–७ जोगीटोलमा सवारी दुर्घटना हुँदा एक जनाको मृत्यु भएको छ भने पाँचजना घाइते भएका छन्। जिल्ला प्रहरी कार्यालय उदयपुरका अनुसार गएराति भएको दुर्घटनामा बाराको गढी गाउँपालिका–ं ४ का वर्ष ७० का सिताराम धामीको मृत्यु भएको हो ।

जिल्ला प्रहरी कार्यालय उदयपुरका प्रहरी निरीक्षक सन्तोष काकीका अनुसार मदन भण्डारी लोकमार्ग हुँदै जन्ती बोकेर आउँदै गरेको बागमती प्रदेश ०६–००१ ख ०१९५ नम्वरको बस र विपरीत दिशाबाट तेजपत्ता बोकी कटारी तर्फ जाँदै गरेको ना ८ ख २४०४ नम्वरको मिनी ट्रक एकआपसमा ठक्कर खाई दुर्घटना भएको थियो।

दुर्घटनमा घाइते भएका सबैलाई जिल्ला अस्पताल उदयपुर गाईघाट ल्याइएको थियो। घाइतेमध्ये धामीको जिल्ला अस्पतालले मृत घोषणा गरेको थियो। दुर्घटनामा २६ जना घाइते भएकोमा २० जना जिल्ला अस्पतालमा सामान्य उपचार गरी डिस्चार्ज भएको र दुई जनाको जिल्ला अस्पताल उदयपुरमा उपचार भइरहेको र तीनजना न्यूरो अस्पताल विराटनगर उपचारको लागि पठाइएको छ।