फागुन १२, सोलुखुम्बु । उदयपुर ताप्ली गाउँपालिकामा महिला स्वास्थ्य स्वयंसेविकाहरुलाई प्रशिक्षण तथा प्रवद्र्धन कार्यक्रम दिइएको छ । गाउँपालिका स्तरिय स्वास्थ्य स्वयंसेवि कमिटिको आयोजनामा स्वयंसेविकाहरुलाई उक्त तालिम दिइएको हो । कार्यक्रममा स्वास्थ्य संस्थासग आवद्ध रहेर ग्रामिण क्षेत्रमा हरेक बालबालिका गर्भवती आमा, सुत्केरी अवस्थामा रहेको अवस्था देखि लिएर बालबालिका ५ वर्ष हुँदा सम्म स्वास्थ्य हेरचाह साथै बालबालिका, महिलाहरुको लागि सन्चालन गरिने विभिन्न कार्यक्रमका बारेमा प्रशिक्षण दिइएको सहकर्मी ठविन्द्र मगरले जानकारी दिनुभयो ।
यस्तै प्रसुती गराउन महिला आमाहरुलाई स्वास्थ्य संस्था लैजाने, घरभेट गर्ने र नियमित लेखाजोखा र प्रतिवेदन गार्ने कार्यमा पनि महिला स्वास्थ स्वयंसेविकाहरुनै खटिनुपर्ने तर नेपाल सरकारबाट भनेजस्तो सेवासुबिधा प्रदान हुन नसकेकोले यस कार्यलाई नितिगत गर्न र ऐन कार्यबिधी निर्माण गरेर नै महिला स्वास्थ्य स्वयंसेविकाहरुलाई समेत प्रोत्साहन गर्नुपर्ने भन्ने बिषयमा छलफल गरिएको थियो ।
नेपालको सबै स्थानिय तहमा रहेर काम गर्दै आएका महिला स्वास्थ्य स्वयंसेविकाहरु एकजुट भएर अभियानकै रुपमा लागिपर्न समेत भनिएको थियो । प्रदेश कमिटी सदस्य तथा त्रीयुगा नगरपालिकाका अध्यक्ष मनिता श्रेष्ठ, केन्द्रीय पूर्व अध्यक्ष टोटला दाहाल लगायतको उपस्थिति रहेको थियो । स्वास्थ्य बिमा गर्दा महिला स्वास्थ्य स्वयंसेविका लाई केन्द्र र प्रदेश सरकार को लगानिमा सहज पुर्याएको र उदयपुर जिल्लाका महिला स्वास्थ्य स्वयंसेविकालाई आफ्नो परिचय खुल्ने परिचयपत्र र पोशाकमा जिल्लाभित्र तोकेको सरकारी गाडिहरुमा निशुल्क गर्न यातायात मन्त्रालयसग सहमति समेत भएको पूर्व केन्द्रीय अध्यक्ष टोटला दाहालले बताउनुभयो ।
गाउँपालिका र विभिन्न संघ संस्थाले गठन गरिने समन्वय समिति र निर्णायक समितिहरुमा महिला स्वास्थ्य स्वयंसेविकाहरुलाई पनि प्रतिनिधित्व गरिनुपर्ने भनी प्रमुख प्रशासकिय अधिकृत भक्त बहादुर राई समक्ष माग राखेका थिए । ताप्ली स्वास्थ्य स्वयंसेवि कमिटिले आफ्ना ७ बुदे मागपत्र समेत प्रमुख प्रशासकिय अधिकृत समक्ष पेश गरेका छन ।
उनीहरुले बुझाएको माग पत्र बुझ्दै भक्त बहादुर राईले नेपाल सरकारको नियमानुसार ऐन तथा कार्यविधी तय गरि निर्देशन हँुदाको बखत स्थानिय तहले पनि सोही अनुरुप सेवा सुबिधा प्रदान गर्न सकिनेछ भनी उँहाहरुले आफ्ना भनाई व्यक्त गर्नुभएको थियो । गाउँपालिकाको कार्यालयमा समापन भएको कार्यक्रम ताप्ली गाउँपालिका स्तरिय स्वास्थ्य स्वयंसेवि कमिटिका अध्यक्ष गगां कुमारी खड्काको अध्यक्षतामा सम्पन्न भएको हो । उक्त प्रशिक्षण कार्यक्रममा नेपाल स्वास्थ्य स्वयंसेवि संघका केन्द्रीय अध्यक्ष गीता थिङ सहजिकरण गर्नुभएको थियो ।
Discussion about this post