इको हिमालले ग¥यो महाकुलुङका ४ विद्यालयका किशोरी भेटघाट

फागुन १४, साेलुखुम्बु ।  सोलुखुम्बुको महाकुलुङ गाउँपालिकामा किसोरी भेटघाट कार्यक्रम गरिएको छ ।  इको हिमाल नेपाल  र महाकुलुङ गाउँपालिकाको साझेदारीमा सञ्चालित लैङ्गिक मैत्री हिमालय विद्यालय परियोजना अन्तर्गत गाउँपालिकाका  ४ वटा विद्यालयका किशोरीहरुलाई भेटघाट गरिएको छ ।  इको हिमालले गत ८ गते देखी १३ गते सम्म उक्त विद्यालयका किशोरीहरूलाई भेटघाट गरिएको जनाइएको छ । महाकुलङ गाउँपालिकाको छेस्काम मावि छेस्काम, गुदेल मावि गुदेल, सगरमाथा मावि बुङ र जनसुधार माविका किशोरीहरूलाई भेटघाट कार्यक्रम सम्पन्न भएको हो ।  किशोरीहरूको क्षमता अभिवृद्धि गरि उनीहरूको शैक्षिक आर्थिक, सामाजिक, राजनैतिक लगायत विषयमा पुरुष सरह सक्षम बनाई अधिकार सम्पन्न बनाउनका लागी इकाे हिमालले विद्यालयहरूमा यो कार्यक्रम गर्दै आएको सहकर्मी झलक राईले बताउनुभयो । किशोरी भेटघाट कार्यक्रम सम्बन्धित वडा अध्यक्षको अध्यक्षतामा भएको थियो भने गाउँपालिकाका १० माविका १ सय ७ बढी किशोरीहरूले महिनावारी, लैङ्गिक हिंसा, बालविवाह लैङ्गिक समानता लगायत विषयमा नाटक, कविता तथा कथा जस्ता रचना समेत प्रस्तुत गरेका थिए ।