चट्याङले मानिस घाइते, सकारी कार्यालयका विद्युतीय सामान जले, सेवाप्रबाह प्रभावित

फागुन १४, सोलुखुम्बु । सोलुखुम्बुमा मङ्गलबारको चट्याङले एक जना घाइते भएका छन् भने एक सरकारी कार्यालयमा क्षति पु¥याएको छ ।  जिल्लाको सोताङ गाउँपालिका वडा नम्बर ३ पात्लेमा चट्याङ पर्दा एक महिला घाइते भएकी हुन ।  मङ्गलबार अपरान्ह ४ः ५० मा परेको चट्याङले पाले खहरेका रतन बहादुर बस्नेतकी छोरी २९ वर्षीय गीता बस्नेत घाइते भएकी हुन् ।  चट्याङ लागे उनी बेहोस भएपछि उनको उपचारका लागी सोताङ प्राथमिक अस्पताल लगिएकाे थियो ।

चट्याङबाट बेहोस भएकी उको उपचार पछि अवस्था सुधारोन्मुख रहेको जिल्ला प्रहरी कार्यालय सोलुखुम्बुले जनाएको छ।  यस्तै मंगलबारनै सोताङमा चट्याङले इलाका प्रशासन कार्यालयका विद्युतीय सामाग्रीमा क्षति पु¥याएको छ ।  कार्यालय बन्द गरि कर्मचारी आ आफ्नो गन्तव्यतर्फ लागेपछि परेको चट्याङले इलाका प्रशासन कार्यालय सोातङको विद्युतीय सामाग्रीहरू ल्यापटप, वाइफाई, सीसीक्यामेरा, राउटर लगायत जलेको जनाइएको छ । मङ्गलबार ५ः१० को समयमा परेको चट्याङले कार्यालयका यि लगायत अन्य विभिन्न सामाग्रीमा क्षति गरेको जिल्ला प्रहरी कार्यालय सोलुखुम्बुका प्रमुख डिएसपी द्वारीका प्रसाद घिमिरेले बताउनुभयो ।

यता जिल्लाकै थुलुङ दुधकोसी गाउँपालिकाको एक घरमा आगलागी भएको छ ।  गाउँपालिकाको वडा नम्बर ३ पञ्चन स्थित डम्मर कुमारी पोखरेलको घरमा आगलागी हुँदा उनको बुइगलमा राखेको एक मुरी मकै जलेको छ ।  मकै जल्दा करिव ८ हजारको क्षति भएको प्रहरीले जनाइएको छ,।,  आगलागी समयमै नियन्त्रण गर्न सफल भएकाले ठुलो क्षति हुन नपाएको स्थानीयले बताएका छन् ।