पाँचथरमा जीप दुर्घटना हुँदा एक जनाको मृत्यु, दुई घाइते

फागुन १५, सोलुखुम्बु । पाँचथरमा विद्यार्थी बोक्ने गाडी दुर्घटना हुँदा एक जनाको मृत्यु भएको छ। दुई जना घाइते भएका छन्। हिलिहाङ गाउँपालिका–१ अमरपुरको माङसेवा बोर्डिङ स्कुलका विद्यार्थीलाई घर पु¥याएर अमरपुर बजार फर्किँदै गरेको मे १ ज ३०७३ नम्बरको बलेरो बुधबार साँझ अमरपुर नजिक दुर्घटनामा परेको थियो।

दुर्घटनामा गम्भीर घाइते भएका हिलिहाङ–१ का ३५ वर्षीय हेमराज योगीको निधन भएको जिल्ला प्रहरी कार्यालय पाँचथरले जनाएको छ। गम्भीर अवस्थामा उद्धार गरिएका उनलाई उपचारका लागि पाँचथर अस्पताल पु¥याइएको थियो। अस्पताल पुग्नासाथ चिकित्सकले योगीलाई मृत घोषणा गरेका थिए। योगीको शव पोष्टमार्टमका लागि पाँचथर अस्पतालको शव गृहमा राखिएको छ ।

दुर्घटनामा हिलिहाङ–१ का २६ वर्षीय बिनोद तामाङ र २० वर्षीय मनिष लिङ्देन घाइते भएका छन्। उनीहरुमध्ये तामाङको अवस्था गम्भीर रहेकाले विर्तामोड स्थित बी एण्ड सी अस्पताल लगिएको प्रहरीले जनाएको छ। बोलेरोका चालक १९ वर्षीय समिर खातीलाई प्रहरीले नियन्त्रणमा लिएको छ।