सोलुखुम्बुको माटोले जन्माएका एउटा प्रतिभा, फुटबलमा चम्कँदै गरेका एक तारा तेन्जिङ

फागुन १५, सोलुखुम्बु । सोलुखुम्बुबाट फुटबलमा उदाउँदै गरेको एक तारा तेन्जिङ शेर्पा  । उमेर सानै भएपनि खेलकुदमा आफ्नो वर्चस्व कायम गर्दै अगाडि बढिरहेका छन्, तेन्जिङ । सन २००९ मा सोलुखुम्बुको सोलुदुधकुण्ड नगरपालिका वडा नम्बर ५ बागममा जन्मेका तेन्जिङ अहिले काठमाण्डौमा बस्छन् । हाल उनी कक्षा ९ मा अध्ययनरत छन् ।  तर उनले फुटबल खेलका लागी औपचारिक प्रवेश भने कक्षा ६ बाटै पाएका हुन ।

सानै उमेरदेखि फुटबलमा रुचि राख्ने उनी २०२१ बाट शसस्त्र प्रहरीको एपीएफ स्कुलमा खेल सिक्दै, खेल्दै र पढ्दै पनि छन् । २०२१ मा फुटबलको सर्वोच्च निकाय एन्फाले छनौट गरेका ४२ युवा खेलाडी मध्ये उनी एक पर्न सफल भएका थिए   । त्यसपछि उनले राष्ट्रिय टिमबाट खेल्ने मौका पाए ।  १५ वर्षकै उमेरमा उनले १६ वर्ष मुनिको एएफसी क्वालीफायरका लागी कतारमा गएर नेपालको राष्ट्रिय टिममा डेब्यु गरेका थिए  ।

फुटबल र औपचारिक अध्ययनलाई सँगै अगाढी बढाइरहेका तेन्जिङले अहिले सम्म राष्ट्रिय स्तरका ५ बढी खेलहरू खेलिसकेका छन् ।  राष्ट्रिय बाहेक अन्य अन्तर विद्यालय लगायत थुप्रै खेलहरूमा उत्कृष्ट प्रदर्शन गरिसकेका छन् ।  हाल सम्म उनले चितवन माडी क्लबबाट, नेपाल र मङ्गोलिया बिच भएको १६ वर्ष मुनिको खेल, एन्फाले आयोजना गरेका विभिन्न खेलहरूमा उनले खेल प्रदर्शन गरेर राम्रै प्रदर्शन गरिसकेका छन् ।

तेन्जिङ शसस्त्र प्रहरीको १६ वर्ष मुनिको टोलीका कप्तान भएर पछिल्लो समय खेल खेलिरहेका छन् ।  उनको कप्तानीमा भएका खेलहरूमा उनको टिम (एपिएफ एफसि) हारेको कमै उदाहरणहरु छन् ।  भरखरै मात्र उनको कप्तानीमा भएको एन्फा १६ वर्ष मुनिको लिगमा अपराजित यात्रा तय गरेका छन् । यस लगत्तै उनि जर्मनीमाअागामी जुन ५ देखी १५ सम्म हुने भिअार बैंक कपमा सहभागी हुन जाने तयारीमा छन् ।  काठमाण्डौमा बसेर आफ्नो खेल जीवन र विद्यार्थी जीवन अगाडि बढाइरहेका तेन्जिङ फुटबलमा अलौकिक क्षमताका धनी किशोर हुन ।

 सोलुखुम्बुको उदाउँदो खेलका तारा उनले भविष्यमा खेलबाटै सोलुखुम्बु सहित देशलाई नै चिनाउन सक्ने क्षमता राखेका छन् ।  खेल र खेलाडीको प्रवद्र्धन र विकासका निम्ति राज्यले ध्यान दिन सक्ने हो भने तेन्जिङ र उनीजस्ता ताराहरूले देशलाई खेलबाटै चिनाउन सक्छन् ।