भारद्वाज गोत्रिय जमरकट्टेलहरुको राष्ट्रिय सम्मेलन नेचामा सुरु 

फगुन १५, सोलुखुम्बु ।  भारद्वाज गोत्रिय जमरकट्टेलहरुको राष्ट्रिय सम्मेलनको उदद्धाटन सत्र नेचामा सम्पन्न भएको छ ।  बंश एक, संस्था एक-इतिहास र वर्तमानको चर्चा, भविष्यको मार्गदबर्शन भन्ने मुल नारा सहित जमकटेल, कट्टेल, कटेलहरुको ऐतिहासिक राष्ट्रिय सम्मेलन २०८१ नेचासल्यान गाउँपालिकामा सुरु भएको हो ।

 देशभरका भारद्वाज गोत्रिय जमकटेलहरुको सम्मेलन पहिलो पटक नेचामा गर्दै बंसिय एकताको सन्देश दिइएको जमकटेल सेवा प्रतिष्ठान सोलुखुम्बुले जनाएको छ ।  बनधु एकताका लागी गरिएको सम्मेलनको प्रमुख आतिथ्यता अर्थशास्त्री डा सम्भु प्रसाद जमकट्टेल गर्नुभएको थियो भने सभाध्यक्षता  जमकटेल सेवा समाजका अध्यक्ष देबेन्द्र जमकटेलले गर्नुभएको थियो । कार्यक्रममा बोलदै प्रमुख अतिथी अर्थशास्त्री डा शम्भु जमकटेलले पुराना कुराहरूलाई नयाँ पुस्तामा हस्तान्तरण गर्न सक्नुपर्ने उल्लेख गर्नुभएको छ ।

 उहाँले हरेक बंसको बंसावली निर्माण गर्नु महत्वपूर्ण रहेको उल्लेख गर्दै राष्ट्रिय स्तरको कार्यक्रम गर्न सक्नु ठुलो चुनौति रहेको बताउनुभएको थियो ।  उहाँले सबै बन्धुहरु समेट्नुपर्नेमा जोड दिनुभयो ।  २०६६ सालमा सेवा प्रतिष्ठान स्थापना भएको स्मरण गर्दै सम्मेलनका अध्यक्ष देवेन्द्र जमकटेलले विभिन्न सङ्घसंस्थाको लागी नेतृत्व गर्ने संस्था स्थापना भएको  उल्लेख गर्नुभयो ।

उहाँले जमकटेल सेवा समाजबाट मन्दिर समेत निर्माण भएको भन्दै सम्मान व्यक्त गर्नुभयो । उहाँले याे सम्मेलनले  सम्मेलनको बन्द सत्रबाट नयाँ कार्यसमिति चयन हुने जनाइएको छ ।