फागुन १५, सोलुखुम्बु । नेकपा एमाले जिल्ला कमिटी सोलुखुम्बुले महाकुलुङ गाउँपालिकामा पालिका स्तरीय अनुशिक्षण कार्यक्रम गरिएको छ । जरा केन्द्रित अभियानको पालिका स्तरीय कार्यक्रम अनुसार बिहिबार महाकुलुङ गाउँपालिकामा अनुशिक्षण कार्यक्रम गरिएको सहकर्मी झलक राईले जानकारी दिनुभयो ।
गाउँपालिका अनुशिक्षण कार्यक्रम नेकपा एमाले कोशी सचिवालय सचिब महाकुलुङ पार्टी इन्चार्ज बुद्धि राजभण्डारी, नेकपा एमाले जिल्ला कमिटी सोलुखुम्बुका अध्यक्ष डुफ कुमार बास्तोला, प्रदेश “क” निर्वाचन समन्वय कमटी संयोजक धर्मध्वज खत्री, जिल्ला कमटी उपसचिव मोहन कुमारी कार्की लगायतका नेताहरुको उपस्थिती रहेको थियो ।
जरा केन्द्रित अभियानले पार्टी, कार्यकर्ता तथा नेताहरूमा उत्साह भरिएका छन् । मिसन २०८४ मा पार्टीको एकल बहुमत प्राप्त हुने गरी निर्णायक शक्ति निर्माणका लागि नेकपा एमालेले राष्ट्रिय अभियानका रुपमा जरा केन्द्रित अभियानलाई माघ १५ देखि चैत्र १५ गते सम्म तीन महिने अभियान सञ्चालन गरिरहेको छ ।
जरा केन्द्रित अभियान सोलुदुधकुण्ड नगरपालिका, थुलुङ दुधकोशी गाउँपालिका, नेचासल्यान गाउँपालिका, माप्य दुधकोशी गाउँपालिका र लिखुपिके गाउँपालिकामा वडा केन्द्रित अनुशिक्षण कार्यक्रम सम्पन्न भएको नेकपा एमाले जिल्ला कमिटी सोलुखुम्बुका अध्यक्ष डुफ कुमार बास्तोलाले जानकारी दिनुभयो । बाँकी स्थानीय तहहरुमा चाडैँ अनुशिक्षण गर्ने तयारी रहेको छ ।
Discussion about this post