सोलुखुम्बुका पेम्बा हलेसीमा मृत फेला, सनाखत नहुँदा शव पोस्टमार्टम गृहमा बेवारिसे 

फागुन १७, सोलुखुम्बु ।  सोलुखुम्बुका वृद्ध खोटाङमा मृत भेटिएका छन् ।  खोटाङको हलेसी तुवाचुङ नगरपालिका वडा नम्बर ७ स्थित हलेसी मन्दिर परिसरमा उनी मृत अवस्थामा भेटिएका हुन । विहीबार करिव दिउँसो ३ः३० तिर सोलुखुम्बु घर बताउने पेम्बा शेर्पा मृत फेला परेको प्रहरीले बताएको छ ।

 लामो समयदेखी हलेसी क्षेत्रमा मागिहिड्ने उनी मृत फेला परेपछि कानुनी प्रकृया पुरा गरि पोष्टमार्टमका लागी शव जिल्ला अस्पताल दिक्तेल पु¥याइएको जिल्ला प्रहरी कार्यालय खोटाङले जनाएको हो । तर पोष्टमार्टमका लागी शवको सनाखत हुन नसक्दा शव अहिले जिल्ला अस्पतालको पोस्टमार्टम गृहमा बेवारिसे अवस्थामा रहेको जनाइएको छ ।

 आफन्तको पहिचान नहुँदा समस्या भएकाले पहिचानका लागी प्रहरीले हुलिया सहित अनुरोध गरेको छ ।  उक्त रिपोर्टिङ जिल्ला प्रहरी कार्यालय सोलुखुम्बुमा समेत भएपछि प्रहरीले आफन्तको खोजीका लागी सामाजिक सञ्जालमा उक्त घटनाको फेरीहस्त सहित शवको हुलिया उल्लेख गरेको जिल्ला प्रहरी कार्यालय सोलुखुम्बुका प्रमुख डीएसपी द्वारीका प्रसाद घिमिरेले बताउनुभयो ।