खुम्बुमा भारी हिमपात, नाम्चेमा प्रहरीले ग¥यो हिमाली गस्ति ( हेर्नुस तस्वीरमा)

,फागुन १७, साेलुखुम्बु ।   मध्य फागुनमा जिल्लाको खुम्बु क्षेत्रमा हिमपात शुरु भएको छ । हिउँद याम(पुष–माघ) मा पर्न नसकेको हिउँ जाडो घट्ने बेला मध्य फागुनमा परेको हो । गएराति देखि उच्च हिमाली भेगमा हिमपात भईरहेको छ भने जिल्लाको तल्लो क्षेत्रमा बर्षा भईरहेको छ ।

समुन्द्र सतहबाट ३४ सय ५० मिटरको उचाईमा रहेको नाम्चे बजार भन्दा माथिको क्षेत्रमा भारी हिमपात भएको छ । यो बर्षकै ठूलो हिमपात भएपछि स्थानीय हर्षित भएका छन् । हिउपरेसँगै नाम्चे बजार र माथिल्लो क्षेत्र पुरै सेताम्मे भएको नाम्चेका स्थानीय छिमिकाल्देन शेर्पाले बताए । २ दिन अगाडी बादल र हुरी बतास एक साथ चलिरहेको छ ।

अहिले नाम्चे बजारमा करिब १ फिट हिउँ जमेको छ । हिउँ परेसँगै चिसो अधिक मात्रामा बढेकाले चिसो बाट जोगिन सतर्कता अपनाउन आग्रह गर्दै नेपाल प्रहरीले विहानै बाट हिमाली गस्ति शुरु गरेको छ । ईलाका प्रहरी कार्यालय नाम्चेका असईको काण्डमा ७ जनाको टोलीले शनिबार विहानै देखि गस्ति थालेको जिल्ला प्रहरी कार्यालय सोलुखुम्बुका प्रमुख डिएसपि द्वारिकाप्रसाद घिमिरेले बताए । प्रहरीले हिमाली बस्तिमा पुगरे चिसोका कारण भएको समस्या बारे बुझ्ने र जोगिन सल्लाह दिने काम शूरु गरेको हो ।

जिल्ला को तल्लो क्षेत्रका डाँडाकाड पनि हिमपात पछि सेताम्मे भएका छन् । दुधकुण्ड, पिकेडाँडा, रातनांगे र पत्तालेका डाँडाहरुमा हिउँ परेको छ । त्यस्तो दक्षिणि भेगमा बर्षा भएसँगै किसानहरु हर्षित भएका छन् ।