आज २५६८ औं बुद्ध जयन्ती, सोलुखुम्बुमा झाँकी प्रदर्शन गरी मनाउदै

जेठ १०, सोलुखुम्बु । सोलुखुम्बुमा आज २५६८औं बुद्ध जयन्तीका दिन थेक्छेन पेमा छोलिङ गुम्बा व्यवस्थापन समितिलेले झाँकी प्रदर्शन गर्ने भएको छ । शान्तिका अग्रदूतका रुपमा विश्वमा परिचित सिद्धार्थ गौतमको २५६८औँ जयन्तीको अवसरमा आज बिहान ९ बजेबाट ¥याली सहित सल्लेरी बजार क्षेत्र भित्र परिक्र साथै पूजा, आराधना एवं प्रवचन गरी मनाइँदै छ ।

प्रत्येक वर्ष वैशाख शुक्ल पूर्णिमाका दिन बुद्ध जयन्ती मनाइन्छ। सिद्धार्थ गौतमले विश्व शान्ति स्थापनाका लागि पु¥याएको योगदानको स्मरण स्वरुप यो पर्व मनाउने गरिएको थेग्छेन पेमा छोलिङ गुम्बा व्यवस्थापन समितिका सचिव ङिमा तेन्डुप शेर्पाले जानकारी दिनुभयो । बुद्धको जन्म, ज्ञान प्राप्ति, महापरिनिर्वाण मुत्यु वैशाख शुक्ल पूर्णिमाकै तिथिमा परेकाले यस दिन नेपाल लगायत विश्वका बौद्ध धर्मावलम्बीले बुद्धप्रति भावपूर्ण श्रद्धा र भक्तिले बुद्धजयन्ती मनाउने गर्दछन् ।

हिमाली जिल्लाको सदरमुकाम तथा सोलुदुधकुण्ड नगरपालिका अन्तर्गत वडा नं ५ सल्लेरीमा रहेको थेक्छेन पेमा छोलिङ गुम्बा विश्वको सर्बोच्च शिखर सगरमाथाको काखमा रहेको एक महायान बौद्ध परम्परामा आधारित बौद्ध गुम्बा (मन्दिर) तथा बौद्ध अध्ययन केन्द्रको रुपमा मानिन्छ । वि.सं. २०५०मा शुरु भई २०५२ मा स्थापना पश्चात २०५८मा आधिकारिक रुपमा दर्ता भएको यो गुम्बा २०८३ मा आफ्नो आधिकारिक दर्ता भएको २५ बर्ष भएको उपलक्ष्यमा रजत जयन्ती तथा बिभिन्न कार्यक्रम मनाउने तयारी गर्दैछ ।

यस गुम्बामा हाल बिद्यार्थीहरु सहित जम्मा २५ जना लामाहरु अटुट सिद्ध र सुद्ध बौद्ध महायान परम्परा अनुसारको बौद्ध शिक्षाको अध्ययन र अध्यापन पनि सन्चालनमा रहेको गुम्बा व्यवस्थापन समितिले जनाएको छ ।