राष्ट्रिय परिचयपत्र पालिकाबाटै वितरण गर्ने जिल्ला प्रशासन कार्यालय साेलुखुम्बुको तयारी 

फागुन १९, साेलुखुम्बु ।  जिल्ला प्रशासन कार्यालय सोलुखुम्बुमा बाँकी रहेका राष्ट्रिय परिचयपत्र अव पालिकाबाटै वितरण हुने भएको छ ।  कार्यालयले आज सोमबार एक सूचना जारी गर्दै जिल्ला प्रशासन कार्यालयमार्फत वितरण भइरहेको राष्ट्रिय परिचयपत्र अव सम्बन्धित पालिकाबाटै वितरण हुने भएको हो ।  हाल सम्म छापिएर आएका परिचयपत्रहरू वितरण गर्न १० हजार १ सय ४८ थान बाँकी रहेको परिचयपत्र पालिकामा पठाउनका लागी तयारी भइसकेको प्रमुख जिल्ला अधिकारी अनोज कुमार घिमिरेले बताउनुभयो ।  राष्ट्रिय परिचयपत्र विभागसँगको निरन्तरको समन्वय र अनुरोध पछि हरेक पालिकामा पठाएर परिचयपत्र वितरण गर्ने बाटो खुलेको प्रजिअ घिमिरेले बताउनुभयो ।  परिचयपत्र वितरणका लागी पालिका स्थित MIS अपरेटरहरूलाई ओखलढुङ्गामा २ दिने तालिम प्रदान गरेर २३ गतेबाट पालिकामै पु¥याएर परिचयपत्र वितरण गरिने तयारी रहेको उहाँको भनाई छ ।  यसरी परिचयपत्र वितरण गरिँदा जिल्लाको माथिल्लो सोलुखुम्बु अर्थात खुम्बु क्षेत्रका नागरिकले विशेष सेवा पाउने छन् भने एउटा परिचयपत्र लिन १० औँ हजार खर्च गरेर सल्लेरी आउनुपर्ने नागरिकको बाध्यता अन्त्य हुने छ ।