सोताङमा चट्याङले अवरुद्ध बनाएको टेलिकमको सेवा सूचारु 

फागुन २०, सोलुखुम्बु ।  सोलुखुम्बुको सोताङ गाउँपालिकामा चट्याङ लागेर अवरुद्ध बनेको टेलिकमको फोरजी सेवा सुचारु भएको छ ।  एक हप्ता अघि चट्याङले क्षतिग्रस्त बनाएको नेपाल टेलिकमको टावरको आज प्राविधिक टोलीले मर्मत गरेपछि सेवा पुनः सुचारु भएको हो ।  गाउँपालिकाको वडा नम्बर २ मा रहेको टावरमा रहेका विभिन्न उपकरणहरूमा चट्याङले क्षति गराएको थियो । उक्त टावरबाट वडा नम्बर २ सहित विभिन्न भूभागका नागरिकले टेलिकमको सेवा लिँदै आएका थिए  । तर चट्याङले टावरमा क्षति गराएपछि सेवा अवरुद्ध बनेको भएपनि टेलिकमको ओखलढुङ्गा क्षेत्रीय कार्यालयबाट मङ्गलबार आएको टोलीले टावर मर्मत गरेको नेपाल टेलिकम सोताङका प्रमुख कुमार बस्नेतले बताउनुभयो ।  यसैबीच नेपाल टेलिकमले सोताङमा इन्टरनेट सुविधा थप गर्नका लागी थप २ सय ५० सेवाग्राहीको लागी इन्टरनेट थपेका छ । प्रादेशिक कार्यालयबाट आएको टोलीले २ सय ५० ग्राहकलाई टेलिकमको वाइवाई सेवा उपलब्ध गराउनका लागी सर्भे गरिरहेको प्रमुख बस्नेतले बताउनुभयो ।