बृद्धलाई अस्पताल लैजान प्रहरीले पुर्यायाे विमानस्थल  

फागुन २०, सोलुखुम्बु । सोलुखुम्बुमा अस्पतालले रेफर गरेको बिरामी बृद्धलाई हेलिकप्टर सम्म पुर्याउन प्रहरीले सहजिकरण गरेको छ ।  जिल्लाको साेलुदुधकुण्ड नगरपालिका वडा नम्बर ७ गार्माका भक्त बहादुर श्रेष्ठ बिरामी भएर जिल्ला अस्पतालमा भर्ना भएको उनलाई थप उपचारका लागी अन्यत्र लैजान अस्पतालबाट विमानस्थल सम्म प्रहरीले सहजीकरण गरेको हो ।  श्रेष्ठलाई जिल्ला अस्पताल फाप्लुले सहिद गङ्गालाल श्रेष्ठ हृदय रोग केन्द्र रेफर गरेकोमा उनलाई उक्त अस्पताल लैजान प्रहरीले हेलिकप्टर चरमा बोकेर विमानस्थल सम्म पुर्याएको हो । मङ्गलबार अस्पताल भर्ना भएका श्रेष्ठलाई बुधबार जिल्ला अस्पतालले थप उपचारका लागी अन्यत्र रेफर गरेको थियो ।