आगलागी पीडित विद्यार्थीहरूका लागी रीड नेपालको आर्थिक सहयोग 

जेठ १०, सोलुखुम्बु ।  सोलुखुम्बुको थुलुङ दुधकोशी गाउँपालिका वडा नम्बर ३ का आगलागी पीडित विद्यार्थीलाई रीड नेपालले आर्थिक सहयोग गरेको छ ।  गत बैशाख १९ गतेको आगलागीबाट घरबास सहित विद्यालय पोशाक लगायत गुमाएका पीडित कालिका मावि पञ्चनका २ र दुधकोशी आधारभुत विद्यालयका १ गरि ३ जना विद्यार्थीहरूका लागी  जनही  ८ हजार ५ सय रुपैयाँ सहयोग गरेको हो । 

रीड नेपालका शिक्षा विकास संयोजक केशव गिरिले विद्यार्थीहरू अध्ययनरत बुधबार विद्यालयमा पुगेर उनीहरूको पोशाक खर्च तथा स्टेसनरी  खर्चको सहयोग स्वरुप रकम विद्यालयका प्रधानाध्यापक विष्णु ढुंगेल मार्फत विद्यार्थीका अभिभावकलाई हस्तान्तरण गरिएको  छ । रीड नेपालले कालिका देवी मावि कक्षा ९ मा अध्ययनरत मनुसा राई र भगवती अधिकारी र दुधकोशी आधारभुत विद्यालय कक्षा ५ मा अध्ययनरत ऋतिका राईको पोशाक र शैक्षिक सामाग्री खर्चका लागी सहयोग रकम उपलब्ध गराइएको रीड नेपालका शिक्षा विकास संयोजक केशव गिरिले जानकारी दिनुभयो । यस्तै रीड नेपालले नेचासल्यान गाउँपालिका वडा नम्बर २ का आगलागी पीडित विद्यार्थीहरूका लागी पनि केही समय पछाडि आर्थिक सहयोग गर्ने संयोजक गिरिले बताउनुभयो ।